genero- asimetria langabeziaren irudikapen sozialean - Euskara

96
LANGABEZIA FEMENINOA ETA MASKULINOA: GENERO-ASIMETRIA …
bereizteko nahikoa izan direnez eta gainera, test estatistiko egokiren faltan, gure
kasuan, % 70eko mozketa puntua erabiliko da. Hau da, Chi 2 moduko indize
estatistiko batekin “Beharbada Ez” eta “Ziur asko Ez” erantzunen proportzioa,
zorizko esleipen batetik desberdintzen diren elementuak zentraltzat joko lirateke
(Moliner, 1995), hau da 50/50 banaketa batetik desberdintzen direnak. Zalantzan
jartzen den elementuaren errefusapen maila, % 100eko teorikoarekin konparatu
beharra dago eta Chi 2 formulan, zatikizuna 0-rekin burutu beharko genuke (Milland,
2001). Bestalde, zenbait autorek lortutako errefusapen portzentajea % 100
errefusapen teorikoarekin konparatzen dute, banaketen konparaketarako
Kolmogorov-Smirnov-en testa erabiliaz (Moliner eta Vidal, 2003; Rateau, 2002). Test
honek, distantzia maximo bat kalkulatzen du, partehartzaile kopuruaren eta
esanguratsutasun mailaren arabera aldakorra dena. Rateau-ren lanean adibidez, item
bat zentraltzat jotzeko % 80ko errefusapen maila batekin nahikoa da (n = 48 eta
.05eko esanguratsutasunarekin). Test honek, talde handiekin aplikatzerakoan, gero
eta errefusapen maila altuagoa eskatzen du. Hau da, 125eko pertsona talde batean
adibidez, esanguratsutasun maila .05ean mantenduz, % 88ko errefusapena beharko
litzateke itema zentraltzat jotzeko. Harreman sinboliko baten existentzia
identifikatzeko dauden arazoen aurrean beraz, gure ikerketan errefusapen
galdesorten datuen azterketarako % 70eko errefusapen maila erabili da.
3. PROZEDURA ETA PARTEHARTZAILEAK
Langabeziaren aurrean gazteak bereziki kalteberak agertzen dira eta are
gehiago emakume gazteen kasuan, oraindik ere ematen den lanaren banaketa
sexuala dela eta. Gure ikerketan, lanbide heziketako ikasketak jarraitzen dituzten
gazteek (emakumezkoak eta gizonezkoak) langabezia nola irudikatzen duten aztertu
nahi izan da, bereziki emakumeen langabeziaren aurrean dituzten iritzi eta
pentsamoldeak jasotzearren. Era berean, ikerketa honetan bi Estatu desberdinetako
ikasleek langabeziaren inguruan duten irudikapena aztertu da. Batetik, Frantziako
Estatuari loturik bi talde dauzkagu, Aix-en-Provence eta Baiona eta Bidarteko
ikasleak (aurrerantzean Baiona-Bidart taldea) eta bestetik, Espainiako Estatuari
loturik, talde bat Irungo ikasleekin.