genero- asimetria langabeziaren irudikapen sozialean - Euskara

22
LANGABEZIA FEMENINOA ETA MASKULINOA: GENERO-ASIMETRIA …
artean, gune zentrala eta azalaldeko elementuak. Bi osagai hauek elkarrekin jarduten
dute, entitate osotu moduan, irudikapenaren antolakuntza eta funtzionamenduan
(Abric, 1993, 1994a, 1994b).
Ikus ditzagun, bada, gune zentraleko elementuen eta azalaldeko elementuen
propietate eta funtzioak.
2.4.1.1. Gune zentrala
GZTari jarraikiz, irudikapen oro gune zentral baten inguruan antolatzen da.
Abric-en hitzetan “Si les représentations sociales ont un noyau central, c´est parce
qu´elles sont une manifestation de la pensée sociale et que, dans toute pensée sociale,
un certain nombre de croyances, collectivement engendrées et historiquement
déterminées, ne peuvent être remises en question car elles sont les fondements des
modes de vie et qu´elles garantissent l´identité et la pérennité d´un groupe social”
(Abric, 2001, 83 or.). Ildo honetatik, gune zentralak irudikapen sozialaren oinarri
komuna eta kontsentsuzkoa osatzen du. Gune zentrala zalantzan jartzeak krisia
dakar, ez kognitiboa soilik, baizik eta balioei loturikoa ere bai. Gune zentralaren
funtsa objektuari loturiko balioek osatzen dute eta beste gizabanakoekin irudikapena
partekatzeak, objektuari loturiko balio zentralak partekatzea esan nahi du (Abric,
2001).
Gune zentrala irudikapenaren funtsezko elementua da, irudikapenaren
alderdi egonkorrena eta irudikapenaren esanahia eta antolakuntza mugatzen duena,
alegia. Gune zentralak hiru funtsezko funtzio betetzen ditu irudikapenean: funtzio
sortzailea, funtzio antolatzailea eta funtzio egonkortzailea (Abric, 2001).
• Funtzio sortzailea: Gune zentralak irudikapen sozialari esanahia ematen
dio, berak mugatzen du irudikapenaren balioa.
• Funtzio antolatzailea: Gune zentralak irudikapen soziala osatzen duten
elementuen arteko loturaren izaera zehazten du.
• Funtzio egonkortzailea: Gune zentralak irudikapenaren iraupena
ziurtatzen du, aldaketei eutsiz.