genero- asimetria langabeziaren irudikapen sozialean - Euskara

IKERKETAREN EMAITZAK
- Emakumezkoek eta gizonezkoek emandako erantzunen
arteko konparaketa
Karakterizazio Estandarretan gizonezkoek eta emakumezkoek emandako
erantzunak konparatu nahi izan dira eta honetarako Kolmogorov-Smirnov testa
erabili da.
Langabezia orokorraren kasuan item bakarrean aurkitu da desberdintasun
esanguratsua, “Gurasoak ez dira seme-alabentzako eredu” itemean. Item hau
emakumezkoek gizonezkoek baino ez karakteristikoagotzat dute (K-S = 0.15; p < .05).
Langabezia maskulinoaren kasuan gizonezkoek eta emakumezkoek emandako
erantzunen artean ez da desberdintasun esanguratsurik aurkitu. Langabezia
femeninoaren kasuan desberdintasun esanguratsu bakarra aurkitu da, “Bikotean
tentsioak sor ditzake” itemean. Emakumezkoek item hau karakteristikoagotzat jo
dute, emakumezkoen % 46,9ak item karakteristikotzat hartu du eta gizonezkoen
kasuan % 43,1ak karakteristikotzat jo badu ere, % 34,5ak ez karakteristikotzat jo du
(K-S = 0.20; p < .05).
Karakterizazio estandarretan lortutako informazioa laburbilduz, langabezia
orokorraren, maskulinoaren eta femeninoaren kasuan bi elementu karakteristiko
azaldu dira, “Arazo ekonomikoak” eta “Estutasuna, estresa sortzen du” itemak. Hala
ere, aipatu beharra dago alderdi ekonomikoen pisua langabezia femeninoaren
kasuan txikiagoa dela. Bestalde, langabezia maskulinoaren kasuan “Bikotean
tentsioak sor ditzake” itema azaltzen da eta langabezia orokorrean eta maskulinoan
lan egiteko beharra nabarmenagoa egiten da, “Edozein lan onartu” itema langabezia
femeninoan baino karakteristikoagotzat joaz. Elementu ez karakteristikotzat hiru
kasuetan bi item aukeratzen dira, “Lagunak galdu” eta “Gurasoak ez dira seme-
alabentzako eredu”.
3.4.2. Erreferenteen bidezko azterketa
3.4.2.1. Itemen arteko hierarkiaren azterketa
Erreferenteen lekuan jarrita emandako erantzunen azterketari heldu aurretik,
zazpi galdesortetan (langabezia orokorrean, langabezia maskulinoan, langabezia
215