genero- asimetria langabeziaren irudikapen sozialean - Euskara

TEORIATIK IKERKETA OBJEKTURA
Nazioarteko mailan adibidez, Osasunaren Munduko Erakundeak (OME), Ekonomia
Lankidetza eta Garapenerako Antolakundeak (ELGA) eta Lanaren Nazioarteko
Erakundeak (LANE) burututako hainbat txostenetan langabeziarekiko kezka
nabarmena da. Era berean, adierazgarria da, Frantzian eta Espainian hiritarren
kezken inguruan burututako hainbat iritzi-zundaketaren arabera, langabeziak
aurkezten duen lehentasuna (ikus adibidez, Centro de Investigaciones Sociologicas -CIS-
izeneko erakunde estatalak 2004ean zehar Espainiarren iritzien inguruan
aurkeztutako buletina edota, Frantzian Institut Français d´Opinion Publique -IFOP-
izeneko enpresak 2006ko urtarrilaren 3an Frantsesen lehentasunen inguruan
burututako inkesta).
Frantziako eta Espainiako gazteek langabeziarekiko aurkitzen eta bizi duten
egoerara hurbiltzeko, lehenik eta behin, Frantzian eta Espainian martxan dauden
langabeziarako babes-sistemak, labur bada ere, azalduko dira.
4.1. FRANTZIA ETA ESPAINIAKO LANGABEZIARAKO
BABES-SISTEMAK
Azken urteetan, herrialde industrializatuetako langabeziarako babes
sistemek, etengabeko aldaketa ekonomiko eta sozialei aurre egiteko eta lan
merkatuaren eraldaketetara egokitzeko, modernizaziorako planak martxan jarri
dituzte. Enpleguaren alorrean eta langabeziaren kontrako borrokan, politika
ekonomikoak eta sozialak bat egiten dute maiz. Herrialde industrializatuek
langabezia murriztu nahi dute, enplegua eta ekonomia sustatzeko estrategien bidez.
Testuinguru honetan ulertu beharra dago Europan langabeziarako hainbat babes-
sistemetan aurrera eramaten ari diren modernizaziorako estrategiak. Espainiaren
kasuan adibidez, enplegu eta formazio profesionalaren inguruko transferentziak
eman dira komunitate autonomoetara. Euskal Autonomi Erkidegoan egoera berezia
da. Izan ere ez da lan-bideratzearen transferentziarik eman eta erkidegoan sortzen
diren enplegu agentziak Enpleguko Institutu Nazionalarekin (Instituto Nacional de
Empleo, 2003tik aurrera Servicio Público de Empleo Estatal, SPEE-INEM) duten
hitzarmenaren bidez baimen administratiboa lortzen dute eta paraleloki
funtzionatzen dute. Frantzian bestalde, ASSEDIC (Association pour l'Emploi dans
65