genero- asimetria langabeziaren irudikapen sozialean - Euskara

98
LANGABEZIA FEMENINOA ETA MASKULINOA: GENERO-ASIMETRIA …
4.1. LANABESA OSATZEN DUTEN ATALAK:
Erabilitako galdesorta, datuak jasotzeko teknikei dagokienez hiru ataletan
banatzen da, gogora-ekartzeko galderak, karakterizazio galderak eta errefusapen
galderak. Hiru teknika hauez gain, sistema arauemailea aztertzeko, karakterizazioko
galderetan ordezkapen teknika erabili da.
4.1.1. Gogora-ekartzeko galderak:
Hiru gogora-ekartzeko galdera planteatu dira: langabezia orokorra,
langabezia femeninoa eta langabezia maskulinoari buruz.
Langabezia orokorraren kasuan adibidez honako galdera hau egin zaie:
Zein hitz edo eta espresio datorkizu gogora langabezia hitzaren aurrean? (eman
itzazu 4tik 8ra bitarteko erantzun).
Teknika honekin, ikerketa objektuaren inguruko edukia jasotzeaz gain, gune
zentralekoak izan daitezkeen elementuak identifikatzeko aukera eskaintzen du (ikus
metodologia atalean, 2.1. puntua).
4.1.2. Karakterizazio galdesortak
Hiru karakterizazio galdesorta klasiko erabili dira: langabezia orokorrari,
langabezia maskulinoari eta langabezia femeninoari buruz. Bestalde, langabezia
maskulinoaren eta femeninoaren kasuan, ikasleei bi erreferenteen lekuan jarrita
erantzutea eskatu zaie, ordezkapen teknika erabiliaz. Langabezia maskulinoaren
kasuan, ikasleei Ugazaba eta Sindikalista baten lekuan jarrita erantzutea eskatu zaie
eta langabezia femeninoaren kasuan, Ugazaba eta Feminista baten lekuan jarrita
erantzutea (Aix-en-Provence-ko ikasleei, ordezkapen teknika langabezia
femeninoaren kasuan soilik eskatu zaie. Galdesorta moten inguruko informazio
zehatzagoa, ikus metodologia ataleko 4.2 puntuan).
Karakterizazio-galdesorta bakoitzean 15 item daude eta honakoak dira:
“Diploma gabezia”, “Bazterketa soziala”, “Bikotean tentsioak sor ditzake”,
“Estutasuna, estresa sortzen du”, “Ezkutuko lana”, “Lagunak galdu”, “Haurrak