genero- asimetria langabeziaren irudikapen sozialean - Euskara

ikustera:
102
LANGABEZIA FEMENINOA ETA MASKULINOA: GENERO-ASIMETRIA …
Goazen bada, 1. Galdesortaren eta 2. Galdesortaren ezaugarriak zehazkiago
1. Galdesorta
1. Galdesortak bi modalitate aurkezten ditu, A. eredua eta B. eredua. Bi
ereduetan galdera berdinak daude, baina galderak aurkezteko ordena desberdina da.
Bi kasuetan lehendabizi langabezia orokorraren inguruko galdera planteatzen da eta
ondoren, langabezia maskulinoari buruz edota langabezia femeninori buruz. A.
ereduan lehendabizi langabezia femeninoari buruzko galdera erantzun behar dute
eta ondoren langabezia maskulinoaren inguruko galdera. B. ereduan, alderantziz,
langabezia orokorraren galdera ondoren, langabezia maskulinoaren inguruko
galdera erantzun behar dute eta azkenik langabezia femeninoaren inguruko galdera.
Behin galderen ordena azalduta, galdesorta osatzen duten hiru atalak
azalduko dira. Lehenengo atalean hiru gogora-ekartzeko galdera daude, langabezia
orokorra, langabezia femeninoa eta langabezia maskulinoari buruz. Bigarren atalean,
bost karakterizazio galdera daude, hiru karakterizazio galdesorta “klasiko”,
langabezia orokorrari, langabezia femeninoari eta langabezia maskulinoari buruz eta
bi galdesorta ordezkapen teknikarekin, langabezia femeninoari buruz (A. ereduan
lehenengo Feminista eta gero Ugazabaren lekuan jarrita eta B. ereduan lehenengo
Ugazaba eta gero Feminista baten lekuan jarrita). Hirugarren atalean sei errefusapen
galdesorta daude, hiru emakume protagonistarekin eta beste hiru gizon
protagonistarekin. Zentraltasunaren kontrola honako itemetan egin da: arazo
ekonomikoak, bazterketa soziala eta enpleguaren bilakuntza.
2. Galdesorta
2. Galdesortak bi modalitate aurkezten ditu, eredu femeninoa (aurrerantzean
F. eredua) eta eredu maskulinoa (M. eredua).
F. ereduan bi gogora-ekartzeko galdera planteatu dira, bata langabezia
orokorrari buruz eta bestea langabezia femeninoari buruz. Lau karakterizazio
galdesorta, bi galdesorta klasiko, langabezia orokorrari eta langabezia femeninoari
buruz eta bi karakterizazio galdera ordezkapen teknikarekin, langabezia femeninoari
buruz (Ugazabaren lekuan jarrita eta Feminista baten lekuan jarrita). Azkenik, hiru