genero- asimetria langabeziaren irudikapen sozialean - Euskara

108
LANGABEZIA FEMENINOA ETA MASKULINOA: GENERO-ASIMETRIA …
zehazten dutenak. Honetarako, analisi prototipikoaz baliatu gara (Vergès, 1992;
Vergès, 1994; Bonnec, Roussiau eta Vergès, 2002), maiztasun handia eta, era berean,
lehen erantzunetan agertzen diren elementuak ezagutzeko. Bestalde, ikerketa
objektuaren egitura ezagutzeko elementu antolatzaileak identifikatzeaz gain hitz
guziekin egindako kategorizazioan oinarritu gara, kategoria ezberdinen arteko
harremana aztertzeko.
Ikerketaren lehen hipotesiari jarraiki, langabezia maskulinoa eta langabezia
femeninoa, biek, langabeziaren irudikapen soziala eratzen dute. Beraz, hiru kasuetan
(langabezia orokorrean, langabezia maskulinoan eta langabezia femeninoan)
elementu antolatzaile berak aurkituko ditugunaren hipotesia luzatzen da.
Bestalde, langabeziaren irudikapen sozialean, ikuskera maskulinoak (lanaren
sexu banaketak) gune zentrala mugatu eta antolatzen duenez, langabezia
maskulinoan eta femeninoan elementu antolatzaile berdinak aurkitzeaz gain,
gizonaren kasua eta emakumearen kasua elkarren artean desberdinduko dituzten
elementuak aurkituko dira (bigarren hipotesia).
Gogora-ekartzeko galderen bidez lortutako hitz eta espresioak bi mailatan
aztertu dira, lehenik, analisi prototipikoa burutu da eta bigarrenik analisi kategoriala
(Vergès, 1992; Vergès, 1994; Bonnec, Roussiau eta Vergès, 2002). Informazio mota hau
lantzeko, Vergès-ek sortutako programa informatiko multzoa erabili da, Evoc2003
(Vergès, 2003a) eta Simi2003 (Vergès, 2003c).
2.2. ANALISI PROTOTIPIKOA
Analisi maila honetan, errepikapen maila minimo bat duten hitzak aztertzen
dira. Analisi honetan hitzen bi informazio gurutzatzen dira, maiztasuna eta batez
besteko heina.
Prozedura honen bitartez, ikerketa objektuarekiko edukia jasotzeaz gain,
ikerketa objektuaren egitura azter daiteke eta gune zentralekoak izan daitezkeen
elementuak identifikatu ere bai. Atal honetan Aix-en-Provenceko, Irungo eta Baiona-
Bidarteko datuak aztertuko dira. Talde bakoitzean, lehendabizi langabezia
orokorraren inguruan ikasleek emandako erantzunak, ondoren langabezia
maskulinoaren kasuan emandako erantzunak eta azkenik langabezia femeninoaren