genero- asimetria langabeziaren irudikapen sozialean - Euskara

IKERKETAREN EMAITZAK
dimentsio hauek dira beste kategoriekin lotura gehien mantentzen dituztenak,
beraien artean ere lotura estua mantentzen dutelarik (% 34ko kookurrentzia). Bi
dimentsio hauekin, kookurrantzia maila altua mantentzen dute, Alderdi Sozialak,
Alderdi Indibidualak, Alderdi Ekonomikoak, Zailtasunak eta Alderdi
Deskribatzaileak. Hala ere, aipatu beharra dago Aurre Egiteko Modua Lana
dimentsioarekin soilik mantentzen duela kookurrentzia maila altua eta bestalde,
Familia kategoriarekin soilik, Pribazioa eta Kategoria Sozialak kookurrantzia maila
altua mantentzen dutela.
Inplikazio indizearen bidez burututako analisian (ikus 6. Grafikoa), kategoria
ezberdinek bi dimentsio hauekiko mantentzen duten besarkadura maila aztertu da.
Alderdi Deskribatzaileak, Alderdi Ekonomikoak eta Aurre Egiteko Modua bi
dimentsioekin inplikazio maila altua mantentzen dute, Aurre Egiteko Moduaren
inplikazio maila Lanarekiko Harremanean altuagoa bada ere (kookurrentziazko
analisian agertutakoarekin bat). Azpimarratzekoa da bestalde, Familia dimentsioak
langabezia femeninoaren kasuan hartzen duen garrantzia. Izan ere, Dimentsio
Familiarrarekin kategoria gehienek inplikazio maila altua dute. Hau da, aurrerago
aipatutakoez gain, Zailtasunak, Alderdi Indibidualak, Kategoria Sozialak, Egitura-
sistema, Formazioa eta Pribazioa kategoriak inplikazio maila altua dute Familia
kategoriarekin.
Laburbilduz, Aix-en-Provence-ko ikasleen kasuan, hiru gogora-ekartzeko
galderetan lortutako hitzen kategorizazioan oinarrituz burututako similitude
analisietan, langabezia orokorrean, langabezia maskulinoan eta langabezia
femeninoan, Lanaren dimentsioaren zentraltasuna agerian jarri da. Langabezia
orokorraren eta langabezia maskulinoaren kasuan gainera, Alderdi Ekonomikoen
garrantzia nabarmendu da. Bestalde, langabezia maskulinoaren kasuan, Alderdi
Indibidualen dimentsioak zentraltasuna irabazten du. Langabezia femeninoaren
kasuan berriz, dimentsio Familiarra da Lanarekin batera irudikapena antolatzen
duena.
157