genero- asimetria langabeziaren irudikapen sozialean - Euskara

HURBILPEN TEORIKOA
langabeziaren irudikapen soziala aztertzeko erabilitako hurbilpena. Hain zuzen,
Abric-ek proposatutako Gune Zentralaren Teoria.
Gune Zentralaren Teoria, irudikapen sozialaren osagaien arteko elkarren
arteko menpekotasunean oinarritzen da (Guimelli, 1995). Objektu baten irudikapen
soziala aztertzerakoan, beharrezkoa da edukiaz gain, barne antolakuntza eta egitura
aintzat hartzea. Proposamen teoriko honek inplikazio metodologiko garrantzitsuak
dakartza. Banchs-en (2000) esanetan, hurbilpen hau irudikapen sozialen egitura
identifikatzeko metodologien garapenean esfortzu berezia egiten du, irudikapenen
egituraren funtzioak garatzearekin batera.
Ikus ditzagun, bada, Gune Zentralaren Teoriaren oinarriak eta oinarri teoriko
hauei jarraiki proposatzen diren baliabide metodologikoak.
2.4.1. Irudikapen sozialen egitura
Abric-en (1976, 1987) lanetan dugu Gune Zentralaren Teoriaren (GZT)
jatorria. Gune zentralaren ideia, hein batetan, Moscovici-k (1961/1976) garatutako
gune figuratiboaren ideia jarraitzen du (Abric, 1994a). Bi elementu hauek, gune
figuratiboak eta gune zentralak, objektibazio prozesuaren produktu badira ere,
prozesu honetako bi alderdi desberdinei heltzen diete. Gune figuratiboak
objektibatutako edukien aspektu ikonikoari heltzen dio, gune zentralak, berriz,
irudikapen sozialen edukiek hartzen duten egiturari heltzen dio (Wagner eta
Elejabarrieta, 1994). Gainera, abstrakzio mailan ere bai desberdintzen dira (Milland,
2001). Hau da, gune zentralak neurri batean irudikapen objektuaren markoa
gainditzen duela esan daiteke, jatorria objektuaz harantzagoko balioetan izanik
(Abric, 1994a).
Irudikapenaren gune zentrala irudikapenari esanahia eta koherentzia ematen
dion elementu-multzoak osatzen du. Hau da, irudikapenaren gune zentrala
irudikapenaren egituraren eta izaeraren oinarria da (Abric, 1987). Abric-en esanetan
irudikapen soziala, antolatutako eta egituratutako elementu-multzoa da. Egitura
honetan, irudikapena osatzen duten elementuak ez dira baliokideak, hierarkia bat
jarraitzen dute eta zenbait elementuk (gune zentrala osatzen dutenak) paper nagusia
dute. Funtsean, irudikapen sozial batetan bi osagai mota bereiz daitezke elkarren
21