genero- asimetria langabeziaren irudikapen sozialean - Euskara

IKERKETAREN EMAITZAK
kasuan alderdi ekonomikoak eta sortarazten dituen arazoak gizonezkoek baino
gehiago azpimarratu. Bestalde, langabezia femeninoaren kasuan emakumezkoek
zailtasunak gehiago nabarmentzen dituzte eta langabezia maskulinoaren kasuan
“encontrar” eta “familia” hitzak.
Laburbilduz, Irungo ikasleek hiru gogora-ekartzeko galderen aurrean
emandako erantzunak, dimentsio partekatuak aurkeztu dituzte hiru objektuetan,
langabezia orokorrean, langabezia maskulinoan eta langabezia femeninoan.
Hiruretan langabezia, lanarekiko harremanean eta dakartzan zailtasunetan, batez ere
dimentsio ekonomikoan, antolatzen da.
Langabezia, enplegurik gabe eta enpleguaren bilakuntza suposatzen du,
egoerak dakarzkin zailtasun eta ondorio ekonomikoekin. Langabezia maskulinoaren
kasuan, gizon langabetua enplegurik gabe dagoen eta arazo ekonomikoak dauzkan
pertsona izateaz gain, langabeziaren egoerak dimentsio familiarra ukitzen du, bere
langabetu egoerak familian ere eragina duela azaleraziz. Langabezia femeninoaren
kasuan, batetik, hasieran aipatutako dimentsio berdinak aurkitu dira, lanarekiko
harremana eta zailtasun eta ondorio ekonomikoak. Bestetik, langabezia femeninoan
generoak eragindako banaketa asimetrikoa agerian jartzen da. Dimentsio
familiarrean adibidez, emakumeari etxearekin loturiko errol tradizionalak esleitzen
zaizkio (“ama de casa”, “limpieza de casa”) eta bestetik, emakumeek sozialki
paraitzen duten diskriminazioa aipatzen da (“discriminación”, “machismo”).
2.2.4. Talde arteko konparaketa
- Langabezia orokorraren, maskulinoaren eta
femeninoaren antzekotasun eta ezberdintasunak
Langabezia orokorraren kasuan, hiru laginetan lortutako datuen arabera,
elementu antolatzaile berdinak identifikatu dira. Langabezia enplegurik gabe egotea
da eta, era berean, enplegu bilakuntza suposatzen du. Bestalde, langabezian egoteak
arazoak eta zailtasunak sortzen ditu, batez ere maila ekonomikoan. Era berean, lehen
periferian ere, hiru taldeetan, sostengu egiturak aurkitu izan dira (ANPE eta INEM).
Hala ere, desberdintasun bat aipatzekoa da Irungo ikasleen eta Aix-en-
Provence eta Baiona-Bidarteko ikasleen artean. Frantziako estatuari lotuak dauden bi
143