genero- asimetria langabeziaren irudikapen sozialean - Euskara

32
LANGABEZIA FEMENINOA ETA MASKULINOA: GENERO-ASIMETRIA …
aukera ezberdinak daude, interpretazio ezberdinak. Flament-en arabera, aukeraketa
azalaldearen baldintzapeko aldakortasunen arabera ematen da.
Abric-ek (1994c) proposamen batzuk luzatzen ditu, egoeraren izaeran
irudikapen eta praktiken arteko harremana kokatuaz. Hau da, irudikapenak praktika
sozialak mugatuko ditu bi baldintza hauek ematen badira:
• Karga afektibo handiko egoeretan, identitatea mantentzeko edo
taldearen existentzia edota praktikak justifikatzeko oroitzapen
kolektiboa beharrezkoa denean.
• Aktoreak egoeraren eskakizunetik edota botere harremanetatik
eratortzen diren baldintzetan autonomia duenean, autonomia maila
erlatiboa bada ere.
3.1.2.2. Praktikek irudikapena eraldatzen dutenean
Egoeraren izaerarekin jarraituaz, Abric-ek (1994c) beste planteamendu bat
egiten du, irudikapen eta praktiken arteko harremanaren inguruan. Egoeraren
presioa handia denean (soziala edota materiala), praktika sozialek eta irudikapenek
interakzioan dihardute. Egoera hauetan, praktika batzuen plazaratzeak irudikapen
sozialaren eraldaketa osoa suposa dezake. Hau da, praktika berriek irudikapena
eralda dezakete.
Flament-ek (1994a), egoeraren izaerari lotuta aldaketarako eredu orokorra
planteatzen du: ingurunearen aldaketa iraunkor batek praktika sozialen aldaketa
dakar. Praktika sozial hauek, aldi berean, dagokien irudikapen sozialaren aldaketa
dakarte epe ertain edo luzera. Praktikek beraz, ingurunearen eta irudikapen sozialen
arteko bitartekari posizioa hartzen dute. Aldaketarako eredu honetan, ingurunearen
aldaketa itzulezin edota itzulgarri hautemateak funtsezko papera jokatzen du,
aldaketa egoera berria itzulezin hautematen denean soilik ematen delarik.
Egoeraren itzulgarritasuna
Antzinako egoerara itzultzea espero denean -emandako aldaketak, beraz,
itzulgarri hautematen direnean-, dauden irudikapen sozialak mantentzen dira.