genero- asimetria langabeziaren irudikapen sozialean - Euskara

IKERKETAREN EMAITZAK
zailtasunen inguruan antolatzen da. Langabezia orokorretik pertsona baten egoera
konkretura iragaterakoan (gizon langabetua edota emakume langabetua),
irudikapena zehaztasun ezberdinez janzten da.
Langabezia maskulinoaren kasuan, dimentsio familiarra eta ardura
indibidualak aipatzen dira. Hau da, gizon langabetuaren kasuan, egoerarekiko duen
ardura indibiduala aipatzen da, balizko formazio faltan arreta ipiniz eta, era berean,
egoerarekiko jarrera aktiboa izatea eskatzen zaio, hau da, enplegua bilatzea. Bestalde,
langabeziaren egoerak indibiduoa soilik ukitzen ez duela adierazten da, bere egoerak
familian ere eragiten duelarik.
Langabezia femeninoaren kasuan, langabezia maskulinoan bezala,
enpleguaren bilakuntzak zentraltasuna irabazten du, hau da, emakume langabetuak
enplegua bilatu beharra dauka. Bestalde, langabezia femeninoaren berezitasuna
nabarmentzen da. Adibidez, dimentsio familiarrean, estereotipo tradizionalei
jarraiki, ez da -gizonezkoen kasuan bezala- ondorio familiarretan arreta ipintzen,
baizik eta emakumeak tradizionalki familiaren barnean izan duen paper eta
betebeharretan, hau da, haurrak hazten eta etxekoandre paperean. Hala ere, era
berean, emakumeek gizartean eta bereziki lan munduan jasaten duten egoera
diskriminatzailea adierazten da. Gogora-ekartzeko hitzen kategorizazioan
burututako kookurrentziazko similitude analisietan lortutako informazioari
dagokionez, langabezian lanaren dimentsioak duen zentraltasuna agerian jarri da.
Hala ere, pertsonen egoera planteatzerakoan (emakume langabetua nahiz gizon
langabetua), langabeziaren irudikapena xehetasunekin janzten da. Langabezia
maskulinoaren kasuan, alderdi indibidualak gailentzen dira eta langabezia
femeninoaren kasuan, berriz, familiarekiko emakumeen rol tradizionalek pisu
berezia hartzen dute.
Bestalde, karakterizazio galdesortetan, langabeziak dakartzan zailtasun
ekonomikoak azpimarratzen dira eta, langabezia maskulinoari eta femeninoari
dagokionez, ñabardura pare bat aipatzekoak dira. Langabezia orokorrak, arazo
ekonomikoez gain, bazterketa soziala eta estutasuna eragiten du. Gizon langabetua,
arazo ekonomikoak izateaz gain, sozialki baztertuta dago eta emakume langabetuak
arazo ekonomikoez gain, estutasuna sentitzen du, ordea. Honela, emakume eta gizon
243