genero- asimetria langabeziaren irudikapen sozialean - Euskara

216
LANGABEZIA FEMENINOA ETA MASKULINOA: GENERO-ASIMETRIA …
femeninoan, eta erreferenteen lekuan jarrita) erabilitako itemen arteko hierarkia
konparatuko da, Kendall Tau-b-aren bidez. Zazpi galdesortetan Kendall Tau-b-
arekin burututako analisiak azaltzen dituen korrelazioak 31. Taulan daude
(galdesorta ezberdinen batez bestekoak 36. Taulan daude).
31. Taula: Irungo taldean karakterizazio galdesorten arteko korrelazioak (Kendall
Tau-b).
Orokorra 1,00
Orokorra Maskulinoa Femeninoa Sindicalista Mugazaba Feminista
Maskulinoa 0,83 1,00
Femeninoa 0,85 0,83 1,00
Sindikalista 0,66 0,52 0,66 1,00
MUgazaba 0,31 0,37 0,28 0,39 1,00
Feminista 0,37 0,43 0,52 0,45 -0,05 1,00
FUgazaba 0,30 0,28 0,18 0,30 0,79 -0,14
Ikasleek langabezia orokorra ezaugarritzeko itemen artean ezarritako
hierarkia, hein handi batean bat dator langabezia maskulinoan (τ = .83) eta
femeninoan (τ =.85) ezarritakoekin. Era berean, ikasleek langabezia maskulinoa eta
femeninoa ezaugarritzeko itemen artean ezarritako hierarkiak, hein handi batean bat
datoz (τ = .83). Orokorrean, ikasleek karakterizazio galdesorta estandarretan
(orokorra, maskulinoa eta femeninoa) erabilitako hierarkizazioa antzekoa da.
Erreferenteen kasuan Sindikalistaren lekuan jarrita erabilitako hierarkizazioa
esanguratsuki lotua dago langabezia orokorraren kasuan (τ = .66), maskulinoan (τ =
.52), femeninoan (τ = .66), Ugazaba baten lekuan jarrita protagonista gizonezkoa
denean (τ = .39) eta Feminista baten lekuan jarrita (τ = .45) ezarritakoarekin. Bestalde,
Ugazaba baten lekuan jarrita, gizon langabetuaren kasuan eta emakume
langabetuaren kasuan, erabilitako hierarkizazioak esanguratsuki lotuak daude (τ =
.79). Azkenik, Feministaren lekuan jarrita erabilitako hierarkizazioa esanguratsuki
lotua dago langabezia maskulinoan (τ = .43), femeninoan (τ = .52) eta Sindikalista
baten lekuan jarrita (τ = .45) erabilitakoarekin.
Oro har, langabezia orokorra, maskulinoa eta femeninoa ezaugarritzeko
erabilitako itemen arteko hierarkien arteko antzekotasunak, irudikapen sozial baten
elementuen aurrean aurkitzen garenaren adierazletzat har daiteke. Erreferenteei