genero- asimetria langabeziaren irudikapen sozialean - Euskara

IKERKETAREN EMAITZAK
- Estimuluen arteko konparaketa
Errefusapen maskulinoan eta errefusapen femeninoan lortutako datuak
konparatuz (Kolmogorov-Smirnov testa), zenbait desberdintasun esanguratsu
aurkitu dira itemen eta estatusen arteko loturetan. Hau da, jabea estatusa errefusapen
maskulinoan errefusapen femeninoan baino alderatuagoa dago “arazo
ekonomikoak” (K-S = 0.14; p < .05) eta “bazterketa soziala” (K-S = 0.15; p < .05)
itemetatik. Etxekoandre estatusa, aldiz errefusapen femeninoan errefusapen
maskulinoan (etxeko-gizona) baino alderatuagoa dago “arazo ekonomikoak” (K-S =
0.43; p < .01), “bazterketa soziala” (K-S = 0.31; p < .01) eta “enpleguaren bilakuntza”
(K-S = 0.23; p < .01) itemetatik. Bestalde, familiaburua estatusa errefusapen
femeninoan errefusapen maskulinoan baino lotuagoa aurkitzen da “arazo
ekonomikoak” (K-S = 0.16; p < .01), “bazterketa soziala” (K-S = 0.14; p < .05) eta
“enpleguaren bilakuntza” (K-S = 0.16; p < .01) itemekin.
- Galderen ordenaren balizko eraginaren azterketa
Emakumeek eta gizonek, kasu maskulinoan eta kasu femeninoan emandako
erantzunak konparatu aurretik, aipatu beharra dago estimuluak aurkeztutako
ordenaren eraginaren inguruak egindako azterketak (Kolmogorov-Smirnov testa) ez
dela galdera aurkezteko ordenean desberdintasun esanguratsurik aurkitu.
- Emakumezkoek eta gizonezkoek emandako erantzunen
konparaketa
Gizonezkoek eta emakumezkoek errefusapen maskulino eta errefusapen
femenino galdesortetan emandako erantzunen konparaketa egin da (Kolmogorov-
Smirnov testa) eta orokorrean emandako erantzunak berdintsuak izan dira.
Errefusapen Maskulinoaren kasuan desberdintasun esanguratsu bakarra, “bazterketa
soziala” eta 50 urtetik gorako langabetua-ren arteko harremanean aurkitu da,
emakumezkoek gizonezkoek baino lotuagoak ikusten dituzte (K-S = 0.22; p < .01).
Errefusapen femeninoaren kasuan, era berean, desberdintasun esanguratsu bakarra,
“bazterketa soziala” eta 50 urtetik gorako langabetua-ren arteko harremanean aurkitu
da, emakumezkoek gizonezkoek baino lotuagoak ikusten dituzte (K-S = 0.22; p <
.01).
233