genero- asimetria langabeziaren irudikapen sozialean - Euskara

IKERKETAREN EMAITZAK
ez karakteristikoagotzat jotzen dira eta “Lan bilakuntzarako motibazio eskasa” (K-S
= 0.11; p < .05) ordea, langabezia femeninoaren kasuan ez karakteristikoagotzat
jotzen da.
Oro har esan daiteke, langabezia orokorraren kasuan dimentsio soziala eta
ondorio ekonomikoak nabarmentzen direla. Langabezia orokorrean, ikasleen %
70,1ak “bazterketa soziala” itema karakteristikotzat dauka, langabezia femeninoaren
kasuan ordea, ikasleen % 50,9ak soilik karakteristikotzat aukeratzen du. Era berean,
langabezia orokorraren kasuan ikasleen % 85ak “Arazo ekonomikoak” itema
karakteristikotzat du eta langabezia femeninoaren kasuan ikasleen % 70,2ak
karakteristikotzat aukeratzen du.
Langabezia maskulinoaren eta femeninoaren arteko erantzunen
konparaketan lau itemek aurkezten dute desberdintasun esanguratsua: “Bikotean
tentsioak sor ditzake” (K-S = 0.15; p < .05), “Ezkutuko lana” (K-S = 0.22; p < .01),
“Seme-alabak perturba ditzake” (K-S = 0.19; p < .01) eta “Esperientzia falta” (K-S =
0.20; p < .01). Hala ere, esan beharra dago aipatutako azken hiru itemak (“Ezkutuko
lana”, “Seme-alabak perturba ditzake” eta “Esperientzia falta”) ez direla item
karakteristikotzat ez eta ez karakteristikotzat jotzen (ez langabezia maskulinoan ezta
langabezia femeninoan ere). “Bikotean tentsioak sor ditzake” itemari dagokionez,
langabezia maskulinoaren kasuan karakteristikoagotzat hartzen da, ikasleen % 51ak
karakteristikotzat jo du, langabezia femeninoaren kasuan ordea, ikasleen % 34,2ak
soilik karakteristikotzat jo du.
Laburbilduz, langabezia maskulinoa eta femeninoa antzeko moduan
ezaugarritzen dira, bikotean sor daitezkeen tentsioak langabezia maskulinoaz
jarduterakoan soilik aipatzen badira ere.
- Emakumezkoek eta gizonezkoek emandako erantzunen
konparaketa
Karakterizazio Estandarretan gizonezkoek eta emakumezkoek emandako
erantzunak konparatzeko Kolmogorov-Smirnov testa erabili da. Ikus dezagun bada,
gizonezkoen eta emakumezkoen erantzunen artean aurkitutako desberdintasun
nagusiak.
201