genero- asimetria langabeziaren irudikapen sozialean - Euskara

HURBILPEN METODOLOGIKOA
2.1.2. Datuen azterketa: analisi prototipikoa eta analisi
kategoriala
Gogora-ekartze teknikaren bidez lortutako informazioa bi mailatan landu da:
batetik, hitzen maiztasunaren eta agertze heinaren arabera, analisi prototipikoa
deritzona eta bestetik, kategorien bidezko analisia, hitz guziak kategorizatu ondoren
sortutako kategorien eta hauen arteko harremanak aztertuz burutzen dena.
Informazio mota hau lantzeko, Vergès-ek sortutako programa informatiko multzoa
erabili da. Hitzen analisi prototipikoa eta kategorizazioa burutzeko, Evoc2003
programa multzoa (Vergès, 2003b) eta kategorien arteko antzekotasun harremana
aztertzeko, Simi2003 programa multzoa (Vergès, 2003c).
- Analisi prototipikoa
Analisi prototipikoa hitzen maiztasunen azterketan eta heinen analisian
oinarritzen da. Hitzen banaketa teorikoak, lege logaritmiko jakin bati jarraitzen dio,
Zipff legea alegia (Vergès, 2003a). Gure kasuan, banaketa teoriko honekiko aldeak
bilatzen dira. Honela, hitzen maiztasunaren banaketan, hiru zonalde identifikatzen
dira: zonalde batean, maiztasun handiko hitz gutxi daude, beste zonalde batean,
maiztasun txikiko hitz asko daude eta azkenik, erdibideko zonaldean maiztasun
ertaineko hitz batzuk daude. Errealitatean aurkitzen ditugun hitzen banaketak, lege
teorikotik aldentzen dira eta honi esker irizpideak lortzen ditugu mozketa-puntuak
ezartzeko orduan.
Teknika honekin, edukiaz gain, gune zentralekoak izan daitezkeen
elementuak identifikatu nahi dira. Honetarako bi informazio ezberdinen gurutzaketa
egiten da, maiztasuna eta heinaren batez bestekoa. Hau da, gune zentraleko
elementuek bi baldintza bete behar dituzte. Batetik, inkestaturiko populazioak
kolektiboki partekatzen duen unibertsoa ordezkatu (unibertsoaren adierazle izan),
maiztasun handiena duten hitzak hartuaz eta, bestetik, lehentasunez adierazitakoak,
pertsona bakoitzarentzako funtsezkoak diren hitzak hartuaz. Honetarako, sailkapen
indibidualetik eratortzen den heinaren batez bestekoa kontutan hartzen da (Vergès
1992; 1994). Bestalde, maiztasunen mozketa-puntuak erabakitzerako orduan
(maiztasun minimoa eta erdibideko maiztasuna), hitzen banaketari erreparatuko
zaio. Informazio hau, heinaren batez bestekoa eta hitzen banaketa, “Rangmot”
81