genero- asimetria langabeziaren irudikapen sozialean - Euskara

260
LANGABEZIA FEMENINOA ETA MASKULINOA: GENERO-ASIMETRIA …
konexuenak dira. Hiru dimentsio hauek dira beste kategoriekin lotura gehien
mantentzen dituztenak, beraien artean ere lotura estua mantentzen dutelarik.
Gogora-ekartzeko galderetan burututako analisi lexikografikoak, langabezia
orokorraren, maskulinoaren eta femeninoaren baitan elementu komunak
nabarmendu ditu. Langabezia lanaren inguruan egituratzen da, langabetua
enplegurik gabe dagoen pertsona da eta gainera, egoera honek hainbat zailtasun eta
ondorio sortarazten dizkio. Elementu zentral komun hauetaz gain, genero-
asimetriaren eragina azaldu da, langabezia maskulinoaren eta femeninoaren artean
hainbat elementu bereizgarri aurkitu direlarik. Analisi kategorialean adibidez,
langabezia maskulinoaren kasuan alderdi indibidualei arreta jartzen zaien bitartean
(ondorio indibidualei batez ere), langabezia femeninoaren kasuan dimentsio
familiarra azpimarratzen da, rol tradizionalei eutsiz. Era berean, analisi
lexikografikoan gizon eta emakumeen arteko rol tradizionalen banaketa argia da,
alegia, langabezia maskulinoaren kasuan langabeziaren egoera familia osoak
pairatzen duen bitartean, langabezia femeninoaren kasuan emakumea familiaz
arduratzen baita. Esan genezake, langabezia maskulinoaren aurrean lan ezak
gizonezkoaren identitatea ukitzearekin batera, familia beraren iraupena arriskuan
jartzen dela eta emakumezkoen kasuan ordea, balizko etxekoandrea izanik,
langabezia ez da hain arazo larritzat jotzen, ez emakumearen identitatearentzat ez
eta bere familiarentzat.
Karakterizazioko galdesortetan, langabezia orokorra, hiru elementurekin
ezaugarritua agertzen da. Langabeziak, bazterketa soziala suposatzen du,
estutasuna, estresa sortzen du eta arazo ekonomikoak dakartza. Langabezia
maskulinoa bost elementurekin ezaugarritua agertzen da. Gizon langabetua, sozialki
baztertua dago, estutasuna, estresa sentitzen du, arazo ekonomikoak dauzka, bere
burua zalantzan jartzen du eta gainera bikotean tentsioak izan ditzake. Bestalde,
langabezia femeninoa lau elementurekin ezaugarritua azaltzen da. Emakume
langabetua sozialki baztertua sentitzen da, estutasuna, estresa sentitzen du, arazo
ekonomikoak dauzka eta bere burua zalantzan jartzen du. Bestalde, aipatzekoa da
ere, diploma gabeziak, langabezia orokorrean, maskulinoan eta femeninoan, ikasleen
arteko banaketa eragiten duela, ikasle batzuk diploma gabezia karakteristikotzat