genero- asimetria langabeziaren irudikapen sozialean - Euskara

HURBILPEN TEORIKOA
Bestalde, objektua antzemateko irudikapena aldatzen dela ikus dezakegu
Moliner-en (1988, 1989) talde idealaren kontzeptuarekin. Hau da, talde idealaren
irudikapenean berdintasuna elementu zentrala da. Partehartzaileei lagun talde
hierarkizatu bat aurkezten zaienean, gehienek beraien talde idealaren kontzepzioa
aldatu baino nahiago dute aurkeztu zaien taldea talde ideala ez dela esatea.
3. Eraldaketa bortitza
Praktika berriek irudikapenaren esanahi zentrala bera zuzenean zalantzan
jartzen dutenean eta defentsa-mekanismoak erabiltzeko aukerarik ez dagoenean
ematen da eraldaketa bortitza. Fenomeno hau Andriamifidisoa-k (1982)
Madagaskarreko harreman sozialen irudikapenean aztertu ahal izan du.
Tradizionalki, Madagaskarreko harreman sozialetan komiteak oinarrizko papera
jokatzen zuen. Komitearen paperean jadanik aldaketak ematen ari baziren ere,
eraldaketarako borondate politikoak eta gobernuaren txandaketa egiteko komiteen
erabilpenak norabidea erabat aldatu zuen. Hau da, komiteak garapena jasan behar
izan zuen, funtsean komite-buruak konpetenteak eta sortzaileak izan behar
zirelakoan. Jadanik, antzinako irizpideak, jakituria eta adina, ez ziren nahikoak.
Komitearen buru izatea funtzio bihurtuta, komitearen beraren izaera aldatzen da.
Era berean, beste hainbat elementuen zentzua ere aldatzen da, honela gurasoak gero
eta gehiago eremu familiarrera mugatzen dira eta esparru sozialetik baztertzen dira.
Andriamifidisoa-ren ikerketan, gizarte-egituraren apurketa eman zela
ondorioztatzen da, harreman sozialak aldatu ziren, bai maila sozietalean bai eta
eremu familiarrean.
Eraldaketa mota hau ez da oso ohikoa (Flament eta Roueutte, 2003b). Berriak,
antzinakoa bat batean ordezkatzen du, aukerarako tarterik ez baitago. Behar fisiko
edota instituzionalek moldatze arauak ezartzen dituzte. Hala ere, aintzat hartu
beharra dago irudikapen baten eraldaketaz ari garela eta ez ideologia baten
eraldaketaz, zeinak denbora luzez irauten eta etengabe birsortzen baita mota
ezberdinetako irudikapen sozialetan (Flament eta Rouquette, 2003b).
Orain arte, irudikapen eta praktiken arteko harremanaren inguruan jardun
dugu, aldaketa-prozesuei helduz. Harreman honetan, objektua aurkezten den
37