genero- asimetria langabeziaren irudikapen sozialean - Euskara

IKERKETAREN EMAITZAK
kasuan, aldiz, familiarentzako kalte baino onura izan daiteke, emakumeek beren
funtzio tradizionala beteaz. Bestalde, emakume langabetuaren egoera, kasu
berezitzat jotzen da. Emakume langabetua balizko etxekoandrea da, eta beraz, bere
egoera ez da gizonezkoarena bezain larritzat jotzen, ez indibidualki ezta maila
familiarrean ere. Hala ere, nolabait berdintasunaren diskurtsoa azaltzen da,
emakumeek lan munduan jasaten duten diskriminazioari erreparatuaz. Beraz, bi
sistema normatiboren eragina nabarmena da. Batetik, berdintasunarena eta bestetik,
rolen banaketarena, gizonezkoei eremu publikoa eta emakumeei, berriz, eremu
pribatua esleituaz.
Bi sistema normatiboen gurutzaketak, kontraesanen elaborazioa bideratu
duela esan daiteke. Ildo honetan, erreferenteen bidez aztertukoaren arabera, ikasleek
langabezia femeninoa bi erreferenteen diskurtsoak erabiliz eraikitzen dute. Hau da,
diskurtso kontserbakorra eta berdintasunaren aldeko diskurtsoarekin. Feminista
erreferenteak, langabezia femeninoan ondorio sozial eta indibidualak azpimarratzen
ditu, Ugazaba erreferenteak kausalitate indibidualak azalerazten ditu eta bi
erreferente hauen lekuan emandako erantzunek, neurri handi batean, ikasleen
diskurtsoarekin bat egiten dutela esan daiteke.
Baiona-Bidarteko ikasleen kasuan, gogora-ekartzeko galderetan, langabezia -
orokorra, maskulinoa eta femeninoa- lanarekiko harremanean eta dakartzan
zailtasun inguruan antolatzen da. Langabezia enplegurik gabe egotea da, gainera
langabeziaren aurrean jarrera aktiboa erakutsi behar da, enplegua bilatzeko pausoak
emanez eta, era berean, langabeziak ondorio eta zailtasun ekonomikoak dakartza.
Gizon langabetuaren kasuan, alderdi indibidualak eta familiarrak nabarmentzen
dira. Langabezian egoteak zailtasun ezberdinak dakarzkio langabetuari eta bere
familiari. Hau da, langabeziak pertsonarengan ondorio indibidualak sortarazteaz
gain, testuinguru familiarrean ere eragiten du. Emakume langabetuaren kasuan,
emakumeen espezifikotasuna azaltzen da, bai dimentsio familiarrean bai dimentsio
sozialean. Dimentsio familiarrean, emakume batek tradizionalki familiaren barnean
izan duen paper eta betebeharrak azpimarratzen dira eta dimentsio sozialean
gizarteak emakumeenganako duen jarrera diskriminatzailea salatzen da.
245