genero- asimetria langabeziaren irudikapen sozialean - Euskara

270
LANGABEZIA FEMENINOA ETA MASKULINOA: GENERO-ASIMETRIA …
- Gune zentrala eta azalaldearen arteko harremana
Gune zentralak irudikapenaren egonkortasuna ziurtatzen du eta azalaldeko
sistemak, bere aldetik, errealitate hurbilarekiko egokitzapena ahalbidetzen du.
Guneak eta azalaldeak sistema bikoitz moduan funtzionatzen dute, hau da, elkarren
artean eragiteaz gain, ingurunearekin ere harremanetan daude. Gunearen helburu
nagusia egonkortasuna den bezala, ingurunearen ezaugarri nagusiena aldaketa da.
Arazo honi heltzen zaion ikerketaren bigarren hipotesiarekin bat, langabezia
femeninoaren bereizitasuna azalaldean negoziatzen da. Hau da, langabezia
femeninoa, gune zentral maskulinoaren inguruan antolatuta, langabezia
maskulinotik bereizten duen justifikaziozko eta arrazionalizaziozko adierazpenekin
azaltzen da.
Gogora-ekartze, karakterizazio eta errefusapen galdesorta ezberdinetan, kasu
maskulinoak eta femeninoak elementu berdinak partekatzen badituzte ere, era
berean, genero-asimetriaren eragina nabarmendu da. Genero-asimetriak, erreferente
maskulinoa gailentzeaz gain, benetako langabetua gizon langabetua dela
azpimarratzen duena, langabezia femeninoaren berezitasuna bideratzen du.
Emakume langabetuaren oinarrian langabetu faltsua dago, estereotipoa,
etxekoandrea. Langabetuaren erreferentea gizona izanik, emakumea ez da
langabetutzat jotzen, gizonaren lekua betetzen ez badu behintzat. Hau da,
emakumea benetako langabetutzat joko da familiaburua denean. Kasu honetan,
emakumeak gizon langabetuaren baldintza “berdinak” betetzen ditu, osterantzean,
emakumearen egoera ez da hain larritzat joko. Hala ere, era berean, emakume
langabetuek gizonezkoek baino zailtasun gehiago dauzkatela adierazten da,
gizartean ematen den sexismoa dela eta. Dena dela, adierazpen hauek azaleko
mailan geratzen direla esan daiteke. Emakumezkoen eskubide sozialen zapalkuntza
salatzen den bezala, generoaren araberako lanaren banaketa mantentzen baita
(Kergoat, 2000).
Erreferente maskulinoak irudikapena antolatu eta zuzentzen duenez,
langabezia femeninoaren egokitzapena azalaldean egiten da. Hau da, irudikapenaren
adierazpen normatiboa -sistema androzentikoa- azalaldeaz baliatzen da emakumeen
berezitasuna barneratzeko. Izan ere, azalaldeak, bere egokitzapen funtzioak direla