genero- asimetria langabeziaren irudikapen sozialean - Euskara

HURBILPEN METODOLOGIKOA
puntuazioa eta 2ko puntuazioa ez bada aukeratu. “Q-sort rectangulaire” (Vergès
2001) moduko galdera baten aurrean aurkitzen gara. Hau da, item bakoitzak 1 (2 edo
3) puntuazioarekin kodetua izateko 0.33ko probabilitatea du. Item bakoitzaren
puntuaketen banaketa bereziki interesgarria da, izan ere, balizko elementu zentral
batek batez besteko altua izateaz gain, puntuaketen banaketan “j” moduko kurba
(Vergès, 1995) jarraitu behar du. Hau da, pertsona askok karakteristikotzat aukeratua
eta pertsona gutxi batzuk ez karakteristikotzat aukeratua.
Ikerketa honetan teknika hau hiru estimuluekin erabili da: langabezia
orokorra, langabezia maskulinoa eta langabezia femeninoa. Langabezia
femeninoaren kasuan, planteatzen den galdera honelakoa da:
“Langabezia femeninoaren inguruko proposamen hauetatik,
Aukera itzazu langabezia femeninoa gehien ezaugarritzen duten 5 proposamen
(seinala itzazu + batekin).
Ondoren, aukera itzazu langabezia femeninoa ezaugarritzen ez duten 5
proposamen (seinala itzazu – batekin).”
Hiru kasuetan (langabezia orokorrean, langabezia maskulinoan eta
langabezia femeninoan) erabilitako 15 itemak berdinak izan dira (beharrezkoa
denean, femenino/maskulino genero gramatikala egokituz). Hamabost item hauek
aukeratzeko, aurretik egindako elkarrizketetan oinarritu gara (Larrañaga, 2001) eta
Flament-ek langabeziaren inguruan burututako ikerketak (Flament, 1994c, 1996) eta
bere zuzendaritzapean burututako hainbat lan ere aintzat hartu dira (Douroudi,
Gialis eta Terracciano, 1993-94; Jannoyer, eta Leclerc, 1994; Alègre eta Spallarossa,
1994-95; Hernandez eta Marty, 1995).
Adibidez, Flament-ek “Sur les représentations sociales” (Flament, 1994)
izenburupeko lanean, langabeziaren irudikapena aztertzerakoan honako itemak
erabiltzen ditu: “kezka etorkizunaren aurrean”, “arazo ekonomikoak”, “diploma
gabezia”, “babes soziala”, “estutasun materiala”, “egoera katastrofikoa”, “ulermen
falta”, “formazio agentziak”, “ondorio moralak”, “frustrazioa eragiten du”,
“norbanakoaren burua zalantzan jarri”, “optimismoa eragiten du”, “bazterketa”,
“harreman familiarrak”, “norbanakoaren konfiantza galdu”. Bestetik, Douroudi,
85