genero- asimetria langabeziaren irudikapen sozialean - Euskara

268
LANGABEZIA FEMENINOA ETA MASKULINOA: GENERO-ASIMETRIA …
zentral espezifikoa identifikatzen du, karrera profesionalaz arduratzea hain zuzen.
Poeschl-ek (2001) bere aldetik, inteligentziaren eta bereziki inteligentzia
femeninoaren eta maskulinoaren irudikapena aztertzerakoan, diferentziazio
prozesuen eraginez ematen diren dimentsio ezberdinak aurkitzen ditu. Inteligentzia
maskulinoaren kasuan, arrakasta sozialak dimentsio espezifikoa osatzen du eta kasu
femeninoan, berriz, xarma eta malgutasunak osatzen dute inteligentzia femeninoaren
dimentsio espezifikoa.
Arrazonamendu honekin langabeziaren irudikapenari helduz gero, arazo
ekonomikoak espezifikotasun maskulinotzat hartu beharko lirateke eta lagin
ezberdinetan aurkitutako datuak baieztapen honekin ez datoz bat. Irungo
errefusapen galdesrotetako datuetan arazo ekonomikoak langabezia Femeninoan
zentraltzat hartzen ez badira ere, ikasleen zati handi batek beharrezkotzat jo dituela
kontutan hartu beharra dago. Zehazki esanda langabezia femeninoaren kasuan arazo
ekonomikoak ikasleen % 65,13ak zentraltzat jo ditu eta langabezia maskulinoaren
kasuan berriz, % 73,8ak. Gainera, beste galdesortetan lortutako datuekin erkatuz
gero -gogora-ekartzeko galderetan eta karakterizazio galdesortetan-, langabezia
femeninoan dimentsio ekonomikoaren garrantzia argi geratu da, gizonezkoen
kasuan bezain garrantzitsua ez bada ere. Bestalde, Aix-en-Provence-ko eta Baiona-
Bidarteko ikasleen kasuan, arazo ekonomikoak langabezia femeninoan funtsezkoak
jotzen dira. Hala ere, Irungo kasuan bezala, Aix-en-Provence-ko datuen azterketan,
arazo ekonomikoei dagokionez, langabezia femeninoaren berezitasuna nabarmendu
ahal izan da. Izan ere, Aix-en-Provence-ko ikasleek arazo ekonomikoak langabezia
femeninoaren kasuan zentraltzat badituzte ere, gogora-ekartzeko galderetan
burututako analisi kategorialetan, dimentsio ekonomikoak indarra galtzen du. Era
berean, karakterizazio galdesortetan arazo ekonomikoak langabezia orokorraren,
maskulinoaren eta femeninoaren ezaugarritzat jotzen badira ere, langabezia
femeninoan ezaugarri hau esanguratsuki baxuagoa da. Oro har beraz, arazo
ekonomikoak langabezia maskulinoan soilik edota langabezia maskulinoan
espezifikoki ematen direla ezin daiteke ondorioztatu. Gure kasuan, arazo
ekonomikoei dagokienez, behinik behin, genero eremu-efektuaren eragina baino,
genero-asimetriaz hitz egitea egokiagoa dirudi. Hau da, langabezia maskulinoa eta
langabezia femeninoa, langabeziaren irudikapen sozialaren baitan kokatzen dira