genero- asimetria langabeziaren irudikapen sozialean - Euskara

ONDORIOAK ETA EZTABAIDA
estutasunarekin ezaugarritzen da. Langabezia femeninoa ere, arazo ekonomikoekin
eta sortzen duen estutasunarekin ezaugarritzen da. Langabezia maskulinoari
dagokionez, arazo ekonomikoekin ezaugarritzen da. Errefusapen galdesortei helduz,
hiru taldeetan berretsi ahal izan da arazo ekonomikoak eta enpleguaren bilakuntza
elementu zentralak direla langabeziaren irudikapenean, bai maskulinoan baita
femeninoan ere (Irungo ikasleen kasuan zenbait ñabardurekin bada ere).
Hiru taldeen arteko antzekotasunak nabariak badira ere, gune zentralari
dagokionez funtsezko desberdintasun bat aurkitu da, bazterketa soziala elementuan,
hain zuzen. Hau da, Frantziako estatuari loturik aurkitzen diren bi taldeek
bazterketa sozialaz hitz egin dute (gogora-ekartzeko galderetan), bazterketa soziala
elementu ezaugarritsutzat hartu dute (karakterizazio galdesortetan) eta errefusapen
galdesortetan bere zentraltasuna berretsi ahal izan da. Irungo ikasleen kasuan ordea,
bazterketa sozialaren zentraltasuna berretsi ez den bezala, karakterizazio
galdesortetan ez da elementu ezaugarritsutzat hartu eta gogora-ekartzeko galderetan
bazterketa sozialarekiko aipurik ia ez da egin. Ondorioz, esan daiteke Aix-en-
Provence-ko eta Baiona-Bidarteko ikasleek bazterketa soziala funtsezko elementutzat
dutela eta Irungoek berriz ez.
Gune Zentralaren Teoriari jarraiki, gune zentral desberdina duten objektuek,
irudikapen desberdina osatzen dutela ondorioztatu beharra dago. Funtsezko
desberdintasun honen jatorria, bi herrialde hauetan politika sozialak eta bereziki
babes sozialak izan duten garapen historikoan aurki daitezke (Rodríguez De las
Heras, 2003). Abrahamson-ek, (1997), bazterketa sozial terminoaren erabilpenaren
jatorria, Frantzian hirurogeita hamarreko hamarkadan emandako eztabaida
ideologikoan eta politikoan kokatzen du. Hirurogeita hamarreko hamarkadako
krisialdi ekonomikoaz geroztik, bazterketa sozial terminoa kategoria sozial
ezberdinei aplikatzen hasi zen, gero eta talde eta arazo gehiago barneratuz.
Hamarkadaren erdialdean, administrazio frantziarrak kategoria sozialak
mugatzearekin batera, babes sozialerako neurri gehiago garatu zituen, gizarteratzera
bideratuak. Laurogeiko hamarkadan, kontzeptua langabeziaren arazoekin eta lotura
sozialen ezegonkortasunarekin lotu zen, garai hartan pobrezia berria bezala
izendatutakoaren barnean. Bazterketa soziala terminoaren erabilpena orokortzen
275