genero- asimetria langabeziaren irudikapen sozialean - Euskara

242
LANGABEZIA FEMENINOA ETA MASKULINOA: GENERO-ASIMETRIA …
Aix-en-Provence-ko eta Baiona-Bidarteko ikasleek, “arazo ekonomikoak”,
“bazterketa soziala” eta “enpleguaren bilakuntza” elementu zentraltzat dituzte
langabezia maskulinoan eta langabezia femeninoan. Irungo ikasleen kasuan berriz,
Aix-en-Provence-ko eta Baiona-Bidarteko emaitzekin konparatuz gero, zenbait
desberdintasun aurkitu dira bai langabezia maskulinoan, bai langabezia femeninoan.
Langabezia maskulinoari dagokionez, “arazo ekonomikoak” eta “enpleguaren
bilakuntza” itemen zentraltasuna berretsi da, baina ez “bazterketa soziala”rena.
Langabezia femeninoari dagokionez, “enpleguaren bilakuntza”-ren zentraltasuna
soilik berretsi da. Hau da, emakume langabetuaren kasuan “arazo ekonomikoak” eta
“bazterketa soziala” ez dira funtsezko elementutzat jotzen. Azkenik aipatu, Aix-en-
Provence-ko, Baiona-Bidarteko eta Irungo ikasleak bat datozela, gizon langabetu
estatusetik gehien aldentzen den estatusa jabearena dela esateko eta, era berean,
emakume langabetuaren estatusetik gehien aldentzen den estatusa etxekoandrearena
dela esateko.
5. GOGORA-EKARTZEKO GALDERETAKO,
KARAKTERIZAZIO GALDESORTETAKO ETA
ERREFUSAPEN GALDESORTETAKO
EMAITZEN GURUTZAKETA.
Behin gogora-ekartzeko, karakterizazioko eta errefusapen galdesortetan
lortutako emaitzak azalduta, langabeziaren irudikapena bere osotasunean hurbiltzen
saiatuko gara. Honetarako, galdesorta ezberdinetan lortutako datuak gurutzatuko
dira. Hau da, batetik, langabezia orokorrari buruz, langabezia maskulinoari buruz
eta langabezia femeninoari buruz ikasleek gogora-ekartzeko galderetan esandakoa.
Bestetik, karakterizazio galdesortetan langabezia orokorrari buruz, langabezia
maskulinoari buruz eta langabezia femeninoari buruz erantzundakoa eta azkenik,
errefusapen galdesortetan kasu maskulinoan eta kasu femeninoan ikasleek
erantzundakoa.
Aix-en-Provence-ko ikasleen kasuan, gogora-ekartzeko galderetan
langabeziaren irudikapena -langabezia orokorrean, langabezia maskulinoa eta
langabezia femeninoa-, lanarekiko harremanean eta langabeziak dakartzan