genero- asimetria langabeziaren irudikapen sozialean - Euskara

ONDORIOAK ETA EZTABAIDA
azalaldearen arteko harremanetan sakonduko da, harreman honetan kudeatzen
baitira langabezia femeninoaren espezifikotasunak.
Bestalde, sistema arauemailearen baitan genero-asimetriaren isla aztertuko
da, langabezia maskulinoaren aurrean berdintasunezko testuinguruaren eragina
nabarmentzen den bitartean, langabezia femeninoaren aurrean bi testuinguruen
eragina ematen baita, berdintasunezkoa eta kontserbakorra.
Ondoren, egiturazko faktoreek irudikapen sozialetan duten eraginean
sakonduko da, Frantziako eta Espainiako taldeen elkarren arteko desberdintasunak
aurreikusi baino garrantzizkoagoak suertatu baitira.
Azkenik, generoen arteko harremanetan desberdintasunak mantentzeko
martxan jartzen diren mekanismoen inguruan hausnarketa egingo da, gure
ikerketaren kasuan gizonezkoen eta emakumezkoen erantzunetan langabeziaren
irudikapenaren baitan genero-asimetria garbia eman delarik.
2.1. LANGABEZIA OROKORRAREN, MASKULINOAREN
ETA FEMENINOAREN ELEMENTU PARTEKATUAK
ETA BEREZITASUNAK
Lehen hipotesiarekin bat, langabezia maskulinoak eta langabezia femeninoak
irudikapen bakarra osatzen dute, hau da, gune zentral berdinaren inguruan
antolatuak eta egituratuak daude. Ondoren beraz, teknika ezberdinekin
identifikatutako elementu zentralei helduko zaie. Honetarako, langabezia
orokorraren, maskulinoaren eta femeninoaren baitan aurkitu diren elementu
komunak eta, era berean, berezitasunak aztertuko dira.
Aix-en-Provence-ko ikasleei dagokienez, gogora-ekartzeko galderetan,
langabezia (orokorra), enplegurik gabe egotea da eta egoera honek hainbat zailtasun
eta ondorio dakartza, batez ere maila ekonomikoan. Era berean, gizon langabetuari
dagokionez, gizon langabetua enplegurik ez duen eta enplegua bilatzen duen gizona
da. Gainera, langabeziaren egoerak maila ezberdinetan arazoak dakarzkio, besteak
beste, maila ekonomikoan eta familiarrean. Familiari helduz, aipagarria da gizon
langabetuaren kasuan langabeziak hartzen duen garrantzi soziala. Hau da,
langabeziak gizona indibidualki ukitzeaz gain, familia osoan kalteak eragin ditzake.
255