genero- asimetria langabeziaren irudikapen sozialean - Euskara

HURBILPEN METODOLOGIKOA
bat egitea komeni da (Abric, 2003). Douroudi, Gialis eta Terracciano (1993-94);
Jannoyer eta Leclerc (1994); Alègre eta Spallarossa (1994-95) eta Hernandez eta Marty
(1995) langabeziari buruz aurrera eramandako ikerketa-lanetan, hiru elementuren
zentraltasuna konfirmatu da: arazo ekonomikoak, bazterketa soziala eta enpleguaren
bilakuntza. Ikerketa-lan hauetan, itemen zentraltasuna gizon langabetuaren kasuan
soilik landu da eta gure ikerketan, item zentral hauek emakume langabetuaren
kasuan ere ea zentraltzat jotzen diren aztertu nahi izan da.
Partehartzaileei proposatzen zaizkien estatus desberdinei dagokienez,
ikertzen ari garen objektua langabezia izanik, langabetuaren estatusa bereziki
interesatzen zaigu. Estatus honekin loturik ere, 50 urtetik gorako langabetuaren
estatusa proposatzen da, bi langabetu “mota” hauen arteko balizko
desberdintasunak aztertzearren. Bestetik, langabetua estatusarekin nolabait
kontrajarriak aurkitzen diren bi estatus proposatzen dira, jabea eta etxeko-
gizona/andrea. Azken estatus hau (etxeko-gizona/andrea) bereziki interesgarria
zaigu. Batetik, aldez aurretik langabezia femeninoarekiko burututako elkarrizketetan
oso maiz aipatua izan den estatusa delako eta bestetik, kasu femeninoan eta kasu
maskulinoan eman daitezkeen balizko desberdintasunengatik. Hau da, berdina al da
etxekoandrea edo eta etxeko-gizona izatea? Lau estatus hauez gain, beste bi estatus
proposatzen dira, elbarria eta seme-alabak bere kargu dauzkan emakume/gizona.
Azken estatus hau bereziki interesgarria izan daiteke, besteak beste, eredu familiar
berrien adierazle moduan.
2.4.2. Datu azterketa
Elementu baten ezeztapen maximo batek “Beharbada Ez” eta “Ziur asko Ez”
aukeretan kontzentratu beharko lituzke partehartzaileen erantzunen % 100a
zalantzan jarritako elementuaren zentraltasuna berresteko. Hala ere, gune
zentralarekiko partehartzaileen arteko aldakortasun maila bat onartzen da. Vergès-
ek adibidez, harreman sinboliko baten existentzia identifikatzeko % 70eko
errefusapenean jartzen du mozketa puntua (Vergès, 2001) eta Flament-ek bestalde, %
75eko errefusapenean (Flament, 1999; Flament eta Rouquette, 2003d; Milland, 2001,
2002). Mozketa puntu hauek ikerketa askotan elementu zentralak eta azalaldekoak
95