genero- asimetria langabeziaren irudikapen sozialean - Euskara

14
LANGABEZIA FEMENINOA ETA MASKULINOA: GENERO-ASIMETRIA …
batetik, errealitate soziala -hau da, harreman sozialen egiturak- ez da gizabanakoak
sortua. Errealitate soziala gizabanakoaren aurretik kokatzen da, gizabanakoaren
ekintza moduak zehaztu eta mugatzen ditu. Gizabanakoak egitura soziala mantendu
edota eraldatu dezake baina ez sortu. Bestetik, jokaeraren moldaera soziala ezin da
muturreraino eraman, determinismo kulturalera eramango gintuzke eta. Hau da,
gizabanakoak berritu edota elementu dinamikoak gaineratu ditzake, jokaera soziala
erreproduzitzen duenean ere (Bhaskar, 1989).
Laburbilduz, irudikapen sozialen fokapenak gizabanakoaren eta gizartearen
arteko harremana azaltzeko aukera aurkezten du, zientziaren ikuspegi berri batetik.
Ondoko atalean, beraz, ezagutza sozialerako Moscovici-k (1984) proposatutako
eredu triadikoaren oinarriak azalduko dira.
2.2. IRUDIKAPEN SOZIALEN EREDU TRIADIKOA
Irudikapen soziala, objektu baten inguruko isla zehatza baino, berreraikuntza
eta sormen prozesua da. Honek, batetik, sozialki partekaturiko ezagutzaren
berreraikuntza behar du (kulturalki eta historikoki) eta, bestetik, maila indibidualean
sortzea eta eraberritzea. Moscovici-ren arabera, ezagutza soziala elkar eraikia da
ezagutzailearen eta bestearen artean (beste pertsona, talde, gizarte, kultura). Ideia
hau eredu triadikoan biltzen du, ego-alter-objektua (edo sinboloa, irudikapena),
ezagutza sozialaren teoriaren oinarri gisa. Modu eskematikoan honela irudikatu
daiteke (Moscovici, 1984):
Objektua
(fisikoa, soziala, irudipenezkoa edo erreala)
Ego Alter
Moscovici-k (1961/1976) bere jatorrizko lanean irudikapen soziala
komunitateak landutako objektu bezala definitzen du. Errealitatearen eraikuntza