genero- asimetria langabeziaren irudikapen sozialean - Euskara

TEORIATIK IKERKETA OBJEKTURA
garapena, maila handi batean, Estatuaren esku-hartze zuzenetik kanpo eman izanak
politikoen eta agente sozialen artean kokatzen du ongizatearen finantziazioaren
inguruko eztabaida. Era berean, Frantzian hiritartasunaren historiak eta
elkartasunaren ideiak ongizate sozial sistema langilego klasetik kanpo ere garatzea
ahalbidetu du, lan merkatuarekin harreman gutxiago dutenengana zabalduz.
Espainian bestalde, gobernuak gizarte segurantza eta asistentziazko ongizatearen
artean jorratu beharreko bidea erabakitzeko aukera handiagoa du. Azkenik,
aldaketarako potentzialari dagokionez, Frantzian programa berrien garapena
iragartzea zaila bada ere, ekonomiarekiko konfidantza baxuak, egitura
instituzionalak eta ongizatearen inguruko adostasun gero eta ezegonkorragoak
prestazioak murriztearen eta finantziazioan zergen pisua handitzearen bidean jar
dezakete herrialdea. Espainian, bestalde, partiduen arteko ezberdintasunak nabariak
dira eta etorkizuneko garapena epe motzeko faktore politikoen menpe egon daiteke.
Azkenik, guzti hau irudikapen sozialen hurbilpenarekin lotzeko, Paugam eta Selz-ek
(2005) pobreziaren inguruan egindako azterketa internazionala aipatu daiteke. Lan
honetan, herrialdez herrialdeko desberdintasunen oinarrian, batetik, pertzepzio
politiko eta kulturalak eta bestetik, egoera ekonomiko eta soziala kokatzen dira.
Pobreziaren irudikapen sozialak joera ekonomikoek mugatzen omen dituzte eta, era
berean, instituzioen eta egituren indarrek.
4.2. GAZTEAK ETA LANGABEZIA
Behin Frantziako eta Espainiako langabeziarekiko babes sistemen hurbilpena
eginda, egun gazteek aurkitzen duten egoerari heltzeko eta arazoaren tamainaz
jabetzeko, zenbait datu aipa daitezke. Eurostat-ek (2007) berriki aurkeztutako
txostenaren arabera, 2007ko abuztuan euro zonaldean (EZ 13) 1 langabezia tasa %
6,9koa da, gizonezkoena % 5,8koa eta emakumezkoena % 8,2koa. Gainera, gazteen
artean (25 urtetik beherakoak) langabezia-tasa handiagoa da, % 14,9koa. Estatuen
araberako langabezia-tasak aztertuz gero, Frantzian eta Espainian euro zonaldeko
1 Euro zonaldeak (EZ 12) 2006ko abenduaren 31rarte 12 estatu kide zeuden:
Belgika, Alemania, Grezia, Espainia, Frantzia, Irlanda, Italia, Luxenburgo, Holanda,
Austria, Portugal, eta Finlandia. 2007ko urtarrilaren 1etik aurrera, euro zonaldeak (EZ
13), Eslovenia barneratzen du.
69