genero- asimetria langabeziaren irudikapen sozialean - Euskara

208
LANGABEZIA FEMENINOA ETA MASKULINOA: GENERO-ASIMETRIA …
“Edozein lan onartu”. Hala ere, hiru item hauek erdibideko itemak dira, hau da, ez
emakumezkoek ez eta gizonezkoek ere ez dituzte item karakteristikotzat aukeratu
(ez eta ez karakteristikotzat ere).
Langabezia femeninoaren kasuan, Feminista baten lekuan jarrita emandako
erantzunetan desberdintasun esanguratsu bakarra aurkitu da, “Norbere burua
zalantzan jarri” itemean. Item hau emakumezkoek gizonezkoek baino
karakteristikoagotzat jo dute (K-S = 0.20; p < .05). Ugazaba baten lekuan jarrita
emandako erantzunetan desberdintasun esanguratsuak sei itemetan aurkitu dira.
Emakumezkoek karakteristikoagotzat jotzen dituzte “Esperientzia falta” (K-S = 0.20;
p < .05), “Lanbide berrietara egokitzeko zailtasunak” (K-S = 0.20; p < .05) eta “Lan
bilakuntzarako motibazio eskasa” (K-S = 0.20; p < .05) itemak. Era berean,
emakumezkoek ez karakteristikoagotzat jotzen dituzte, “Bazterketa soziala” (K-S =
0.20; p < .05) eta “Estutasuna, estresa sortzen du” (K-S = 0.20; p < .05) itemak.
Azkenik aipatu, “Arazo ekonomikoak” itemean desberdintasun esanguratsua
azaltzen bada ere, item hau ez emakumezkoek ez eta gizonezkoek ere, ez dutela item
karakteristiko ez eta ez karakteristikotzat hartzen.
Erreferenteen lekuan jarrita lortutako informazioa laburbilduz, esan daiteke
langabezia maskulinoari buruz, Sindikalista baten lekuan jarrita emandako
erantzunak bat datozela modu estandarrean ikasleek emandako erantzunekin. Hau
da, gizon langabetuak arazo ekonomikoak dauzka, sozialki baztertua sentitzen da eta
estutasuna pairatzen du. Bestalde, langabezian egoteak lagunen galera ez duela
zergatik ekarri behar azpimarratzen da eta kausalitate indibidualak baztertzen dira.
Ugazabaren lekuan jarrita ordea, kausalitate indibidualak nabarmentzen dira eta
ondorio familiarrak baztertzen dira. Langabezia femeninoari dagokionez,
Feministaren lekuan jarrita emandako erantzunak ondorio sozialak, indibidualak eta
familiarrak azpimarratzen ditu eta bestalde, kausalitate indibiduala baztertzen da.
Ugazabaren lekuan jarrita ordea, kausalitate indibidualak agerian jartzen dira eta
ondorio familiar eta harremanen ingurukoak baztertzen dira.