genero- asimetria langabeziaren irudikapen sozialean - Euskara

92
LANGABEZIA FEMENINOA ETA MASKULINOA: GENERO-ASIMETRIA …
ezberdinen lekuan jarrita nabarmentzen diren itemak azaleraziz. Era berean,
emakumeek erreferente desberdinen lekuan jarrita ematen dituzten erantzunak
gizonek erreferente desberdinen lekuan jarrita emandakoekin konparatu dira
(Kolmogorov-Smirnov testa). Bestalde, langabezia maskulinoaren eta langabezia
femeninoaren sistema arauemailea aztertzeko erregresio anizkoitzak egin dira,
itemen batez bestekoetan oinarrituaz (honetarako erantzunak birkodetu dira,
karakteristikoak 1, ez karakteristikoak 3 eta aukeratu gabeak 2). Analisi hauetan bi
indize kontutan hartu dira: erantzun estandarren bariantza azalduaren portzentajea
(R 2) eta aldagai aurresaleen β koefizienteak, aldagai aurresaleen (erreferentziazko
taldeak) eta irizpide aldagaiaren (erantzun estandarra) arteko korrelazio partzialak
ere kontutan hartu dira. Normalean, β koefizienteen esanguratsutasunak student-t
baten bidez neurtzen dira. β koefiziente bat esanguratsua denean, neurtzen duen
aldagai aurresalearen ekarpena orokortasunaren kalitatean esanguratsua dela
ondorioztatzen da. Honela, aldagai aurresale bakoitzaren β koefizientea testatu
daiteke eta irizpide aldagaia aurresateko informazio zehatza dakartenak
determinatu. Hala ere, kalkulu hauek subjektuekin lan egiten denean burutzen dira
eta gure kasuan itemen batez bestekoekin lan egiten denez, probabilitateaz jardutea
ez da aproposa (Milland, 2001, 2002). Hau dela eta, β koefizienteei loturiko
probabilitateak, aldagaiak aurresatean duten partaidetza neurtzeko, konfiantzazko
adierazle moduan hartu dira.
2.4. ERREFUSAPENA: KUESTIONAMENDUA ESZENATOKI
ZALANTZAGARRIAREN BIDEZ
Flament eta Rouquette-n hitzetan, zentraltasunaren egiaztapenerako bi
teknikek ahalbidetzen dute elementu zentralen identifikazioa nahiko ziur: balizko
elementu zentralen kuestionamendua (“Mise En Cause” teknika izenez ezaguna) eta
balizko elementu zentralen balentziaren deskonposaketak (Flament eta Rouquette,
2003d). Gure ikerketan zentraltasunaren egiaztapenerako erabilitako estrategia,
kuestionamenduaren teknikan oinarritu da, errefusapen teknika bezala ere izendatua
dena (Moliner, 1994; Moliner, Joule eta Flament, 1995).