genero- asimetria langabeziaren irudikapen sozialean - Euskara

ONDORIOAK ETA EZTABAIDA
dituzte eta gizonezkoek ordea, ez. Gizonezkoek arazo ekonomikoen garrantzia
zalantzan jartzen dute, emakume langabetua bigarren mailako langabetutzat hartuz,
benetan lan egiteko beharrik ez duena. Baiona-Bidarteko emakumeek bestalde,
langabezia maskulinoaren larritasuna nabarmentzearekin batera langabezia
femeninoaren aurrean emakumeek bereziki dauzkaten zailtasunak aipatu dituzte eta
alderdi ekonomikoen eta enplegua izateak duen garrantzia azpimarratu dute.
Irungo taldeari dagokionez gogora-ekartzeko galderetan emakumezkoek
langabezia orokorraren aurrean alderdi ekonomikoak eta zailtasunak gehiagotan
aipatu dituzte. Bestalde, emakumezkoek langabezia maskulinoaren aurrean
dimentsio familiarra eta enplegua aurkitzearen beharra nabariagoa egiten duten
bezala, langabezia femeninoaren kasuan emakumeek bereziki pairatzen dituzten
zailtasunak azpimarratu dituzte. Azkenik, karakterizazio galdesortetan eta
errefusapen galdesortetan ez da funtsezko desberdintasunik aurkitu gizonezkoek eta
emakumezkoek emandako erantzunen artean. Emakumeen erantzunetan paradoxa
nabarmena da. Batetik, gizonak familian duen sostengu papera eta betebeharra
azpimarratzen da eta, bestetik, emakumeenganako existitzen den diskriminazio
egoera salatzen da.
Laburbilduz, gizonek emakumeenganako diskriminazioa modu irekiagoan
adierazten dute, emakumeengan kontraesana nabarmentzen da. Izan ere,
emakumeek batetik, rol banaketa tradizionalei eusten diete eta bestetik, emakumeen
egoera desabantailatsuari arreta berezia eskaintzen diote. Hala ere, seigarren
hipotesiarekin bat, funtsean gizonezkoek eta emakumezkoek langabeziaren
irudikapen partekatua dutela esan daiteke, hau da, genero-asimetriaren arabera
antolatua. Langabeziaren muinean dagoen sistema androzentrikoak, langabezia
maskulinoa eta femeninoa elkarren artean bereizteaz gain, gizon eta emakumeen
arteko harreman asimetrikoa mantentzea ahalbidetu eta justifikatzen du. Langabezia
femeninoa, gune maskulinoaren inguruan egituratua, modu berezian antolatzen eta
egokitzen da. Emakume eta gizon langabetuaren arteko bereizketa hau hiru
taldeetako gizonek eta emakumeek egin dute. Emakumeen aldetik, beraz,
dominaziozko harreman integrazioa ematen dela esan daiteke. Lorenzi-Cioldi eta
Doise (1994) jarraiki, meneratuek beraien egoera justifikatzen dituzten arrazoiak
279