genero- asimetria langabeziaren irudikapen sozialean - Euskara

ONDORIOAK ETA EZTABAIDA
jotzen duten bitartean, beste batzuk ez karakteristikotzat jotzen dute. Hiru
objektuetan, arazo ekonomikoak gailentzen badira ere, era berean, estutasuna eta
bazterketa soziala ezaugarritsutzat jotzen dira. Langabezia femeninoaren eta
maskulinoaren kasuan, bestalde, norbere burua zalantzan jartzea ezaugarritsutzat
jotzen da eta langabezia maskulinoaren kasuan gainera, bikotean tentsioak sor
daitezkeela aipatzen da.
Azkenik, errefusapen galdesortetan langabezia maskulinoak eta femeninoak
elementu zentral berdinak partekatzen dituztela berretsi da. Hau da, gizon edota
emakume langabetuak, arazo ekonomikoak dauzka, sozialki baztertua sentitzen da
eta enplegua bilatzen du. Funtsean beraz, gune zentral bera partekatzen dutenez,
irudikapen objektu bera osatzen dutela esan genezake. Hala ere, errefusapen
galdesorta maskulinoaren eta femeninoaren artean aurkitutako zenbait
desberdintasun aipagarriak dira. Orokorrean, errefusapen maskulinoan
langabeziaren elementu zentraletatik gehien aldentzen den estatusa jabearena da eta
errefusapen femeninoaren kasuan berriz, etxekoandrearena (Aix-en-Provence-ko
taldearekin gertatzen den moduan). Datu hauek langabezian generoaren araberako
bereizketa azaltzen dute eta gainera langabezia femeninoaren kasuan gogora-
ekartzeko galdesortetan lortutako datuekin erkatuz gero emakume langabetuarekiko
irudikapena argitzen da. Hau da, gogora-ekartzeko galderetan emakume langabetua,
etxekoandre moduan aurkezten bada ere, errefusapen galdesortetan argi geratu da,
etxekoandreak ez dituela langabetutzat jotzeko irizpideak betetzen.
Errefusapen galdesortetan hiru elementuen zentraltasuna berretsi da.
Enpleguaren bilakuntza, arazo ekonomikoak eta bazterketa soziala funtsezkoak dira
emakumea zein gizonezkoa langabetutzat jotzeko. Gainera, errefusapen
galdesortetan lortutako informazio hau gogora-ekartzeko galderetan eta
karakterizazio galderetan lortutako informazioarekin lotuz gero, langabezia
femeninoak eta maskulinoak, gune zentral komuna partekatzen dutela agerian jarri
da. Langabezian egoteak dakartzan arazo ekonomikoei dagokienez, karakterizazio
galdesortetan, bai langabezia orokorrean, bai maskulinoan eta baita Femeninoan ere,
ezaugarri nagusitzat hartu dira. Era berean, gogora-ekartzeko galderetan,
zailtasunak azpimarratzen dira. Enplegu bilaketari dagokionez, gogora-ekartzeko
261