genero- asimetria langabeziaren irudikapen sozialean - Euskara

IKERKETAREN EMAITZAK
Gizonezkoen % 19ak ez karakteristikotzat aukeratzen du eta % 39,7ak
karakteristikotzat. Ugazaba baten lekuan emandako erantzunei dagokionez bi
itemen artean aurkitu dira desberdintasun esanguratsuak, “Lagunak galdu” eta
“Norbere burua zalantzan jarri” itemetan. Emakumezkoek “Lagunak galdu” itema
gizonezkoek baino ez karakteristikoagotzat jo dute (K-S = 0.19; p < .05). “Norbere
burua zalantzan jarri” itemari dagokionez, gizonezkoek emakumezkoek baino ez
karakteristikoagotzat jo dute (K-S = 0.26; p < .01).
Erreferenteen lekuan jarrita lortutako informazioa laburbilduz, esan daiteke
langabezia maskulinoari buruz, Sindikalistaren lekuan jarrita emandako erantzunak
funtsean bat datozela modu estandarrean ikasleek emandako erantzunekin. Hau da,
gizon langabetua, arazo ekonomikoak dauzka eta, era berean, estutasuna sentitzen
du. Gainera, egoera honek ez du zergatik lagunen galera ekarri behar. Ugazabaren
lekuan jarrita ordea, elementu desberdinak azaltzen dira. Batetik, Ugazabaren lekuan
jarrita alderdi ekonomikoen kaltea onartzen da, baina bestetik, kausalitate
indibiduala azpimarratzen da, esperientzia eta formazio ezari garrantzia emanaz.
Langabezia femeninoari buruz, Feministaren lekuan jarrita emandako erantzunek
alderdi sozialak azpimarratzen dituzte eta kausalitate indibiduala baztertzen da,
gaitasunei eta formazioari dagokienez. Ugazabaren lekuan jarrita, ordea, kausalitate
indibidualak nabarmentzen dira, esperientzia faltari, formazio ezari eta egokitzeko
gaitasun eskasari garrantzia emanaz. Hala ere, erreferente Feminista eta Ugazaba bat
datoz egoera honek ez duela zergatik lagunen galera ekarri behar adierazteko
orduan.
3. 4. 2. 3. Karakterizazio estandarren eta erreferenteen
lekuan jarrita emandako erantzunen elkarren arteko
lotura: erregresio anizkoitzak
Sistema arauemailearen azterketarako erregresio anizkoitza egin da, itemen
batez bestekoetan oinarrituz. Langabezia maskulinoaren inguruan emandako
erantzun Estandarrak eta Sindikalista baten eta Ugazaba baten (M-Ugazaba) lekuan
jarrita emandako erantzunen batez bestekoak 36. Taulan daude. Era berean,
langabezia femeninoaren inguruan emandako erantzun Estandarrak eta Feminista
221