genero- asimetria langabeziaren irudikapen sozialean - Euskara

100
LANGABEZIA FEMENINOA ETA MASKULINOA: GENERO-ASIMETRIA …
Karakterizazio galdesorta klasikoekin langabezia orokorraren, langabezia
maskulinoaren eta langabezia femeninoaren elementu ezaugarritsuenak identifikatu
nahi dira. Erreferenteen bidezko karakterizazio galdesortekin ordea, helburua
sistema arauemailearen azterketa da.
4.1.3. Errefusapen galdesortak
Sei errefusapen galdesorta planteatu dira, hiru gizon protagonistarekin eta
beste hiru, emakume protagonistarekin. Zentraltasunaren kontrola honako hiru
elementuekin burutu da: arazo ekonomikoak, bazterketa soziala eta enpleguaren
bilakuntza. Hiru elementu hauen zentraltasuna sei estatus ezberdinetan neurtu da:
elbarria, langabetua, familiaburua, 50 urte goragoko langabetua, jabea,
etxekoandrea/etxekogizona. Gure kasuan, bereziki interesatzen zaigun estatusa
langabetuarena da.
Teknika hau ondorengo printzipioan oinarritzen da: gune zentraleko
elementuak, esanahiaren erregulatzaile eta antolatzaileak diren bezala,
negoziaezinak dira. Hau da, irudikapenak bere esanahia galdu ez dezan, ezin
daitezke irudikapen objektutik banandu.
Partehartzaileei irudikapen objektuarekiko deskribapen zalantzagarria
aurkezten zaie, “Induction par scenario ambigu” izenekoa (Moliner, 1993, 1994),
beren inferentzi prozesuak, uste-sistemak bultzatuaz eta, era berean, egiaztatu nahi
izan dugun elementuaren agerikotasuna ezabatzeko, ukapen bikoitza erabili da.
Partehartzaileei proposatzen zaien eszenatokia honakoa da (gizon
protagonista baten kasuan):