genero- asimetria langabeziaren irudikapen sozialean - Euskara

IKERKETAREN EMAITZAK
3.5.2.2. Karakterizazio estandarren eta erreferenteen lekuan
jarrita emandako erantzunen elkarren arteko loturaren
konparaketa
Erregresio anizkoitzen bidez burututako analisietan, langabezia maskulinoari
dagokionez nabaria da Baiona-Bidarteko eta Irungo ikasleen kasuan (gogoratu Aix-
en-Provence-ko ikasleek ez dutela langabezia maskulinoaren inguruan erantzunik
eman erreferenteen lekuan jarrita) erreferente Sindikalak neurri handi batean
ikasleen erantzun propioak azaltzen dituela eta Ugazabaren eragina berriz, ez da
hain nabarmena. Langabezia femeninoaren kasuan, Aix-en-Provece-ko, Baiona-
Bidarteko eta Irungo ikasleen kasuan bi erreferenteek, Feministak eta Ugazabak,
ikasleen berezko erantzunak neurri handi batean azaltzen dituzte. Langabezia
maskulinoaren kasuan diskurtso kontserbakorraren eragina eskasa bada ere,
langabezia femeninoaren kasuan bi diskurtsoen presentzia argia ematen da.
4. ERREFUSAPEN GALDESORTAK
4.1. SARRERA ETA HELBURU ZEHATZAK
Zentraltasunaren egiaztapenerako teknika honekin, langabezia maskulinoak
eta langabezia femeninoak gune zentral bera partekatzen duten zehaztu nahi izan da.
Honetarako sei errefusapen galdesorta prestatu ziren, hirutan gizonezkoa izanik eta
beste hiruetan emakumezkoa izanik protagonista.
Gune Zentralaren Teoriaren arabera (Abric, 1987, 1994), irudikapenaren gune
zentrala zehaztea irudikapenari esanahia ematen dioten eta, batez ere, irudikapena
antolatzen eta egonkortzen duten elementuak identifikatzea da. Abric-en arabera
(1994), gune zentrala identifikatzeak irudikapen sozialen arteko ikerketa
konparatiboa egitea ahalbidetzen du. Izan ere, bi irudikapen sozial bi gune zentral
ezberdinen inguruan antolatzen dira.
Ikerketaren lehen hipotesiari jarraiki, langabezia maskulinoan eta langabezia
femeninoan elementu antolatzaile berdinak aurkituko ziren. Gure kasuan
zentraltasunaren egiaztapena hiru elementurekin egin da: “arazo ekonomikoak”,
“bazterketa soziala” eta “enpleguaren bilakuntza”. Gogora dezagun, errefusapen
229