genero- asimetria langabeziaren irudikapen sozialean - Euskara

72
LANGABEZIA FEMENINOA ETA MASKULINOA: GENERO-ASIMETRIA …
irudikapenean islatua aurkituko bada ere (Flament, 1999), genero-asimetriaren
eragina sistema arauemailean ere islatuko denez, langabezia maskulinoan eta
femeninoan bi testuinguru arauemaileen eragina desberdina izatea espero da. Hain
zuzen ere, diskurtso kontserbakorraren eragina langabezia femeninoaren kasuan
nabarmenagoa izango da.
Era berean, langabeziaren irudikapenaren egonkortasuna edota
aldakortasuna aztertu nahian, bi Estatu desberdinei loturik aurkitzen diren taldeen
arteko konparaketa egin da. Batetik, Frantziako Estatuari loturik bi talde dauzkagu,
Aix-en-Provence eta Baiona-Bidarteko ikasleak eta bestetik, Espainiako Estatuari
loturik, Irungo ikasle talde bat. Bi herrialde hauetan langabeziarekiko dauden babes
sistemen artean antzekotasunak ematen badira ere, era berean, desberdintasunak
nabarmenak dira. Talde arteko konparaketan beraz, pentsamendu sozialean egitura
sozialen eragina aztertu nahi izan da.
Azkenik, langabezia maskulinoaren eta femeninoaren arteko bereizketa,
gizonezkoek eta emakumezkoek modu berean egiten duten aztertu nahi izan da.
Orokorrean, emakumezkoek eta gizonezkoek, testuinguru soziokultural berdina
partekatzen dutenez, irudikapen sozial berdina partekatuko dute (Lorenzi-Cioldi,
1993).
Laburbilduz, ikerketaren helburuak ezagututa, planteatutako hipotesiak
honela operazionalizatu daitezke:
Gune zentrala eta azalaldeko harremanari dagokionez,
1. Langabeziaren irudikapen sozialean gizonezkoek erreferente papera jokatzen
dute. Ikuskera maskulino honek gune zentrala mugatu eta antolatzen duenez,
gune hau berdina izango da langabezia maskulinoan eta femeninoan, alegia
irudikapen beraren baitan kokatuko dira.
2. Langabezia femeninoaren espezifikotasuna azalaldean negoziatuko da. Hau
da, langabezia femeninoa, gune zentral maskulinoaren inguruan antolatuta,
langabezia maskulinotik bereiziko duen justifikaziozko eta
arrazionalizaziozko adierazpenekin hornituko da.