genero- asimetria langabeziaren irudikapen sozialean - Euskara

ONDORIOAK ETA EZTABAIDA
Generoaren araberako hurbilpenak, langabeziaren irudikapen sozialaren edukietan
sakontzeko bidea emateaz gain, langabeziaren egituran eta bereziki antolakuntza
aztertzeko aukera eskaintzen du, gune zentralaren eta azalaldearen arteko
harremanetan sakontzeko, hain zuzen. Irudikapen sozialen funtzionamenduan,
sistema zentralaren eta azalaldeko sistemaren arteko harremana funtsezkoa izanik
eta harreman honen baitan eraldaketa prozesuen aztarnak aurkitu daitezkeela
jakinik, etorkizunean, arrazionalizazio modu ezberdinak identifikaziorako, Guimelli
eta Rouquette-k (1993) garatutako “Schèmes Cognitives de Base” izeneko hurbilpen
metodologikoa erabiltzea interesgarria izan daiteke.
Bestalde, gizartean arazotsuak diren hainbat objekturen aurrean irudikapena
bere osotasunean aurkezteko arazoak gainditzeko baliabide metodologiko
desberdinak garatu izan dira (Abric, 2003). Gure ikerketan, langabeziaren
irudikapena hurbiltzerakoan, langabezia femeninoaren eta maskulinoaren sistema
arauemailean sakontzeko, ordezkapen teknikarekin erreferenteak erabili izan ditugu,
ikasleen erantzunak zein neurritan baldintzatzen dituzten ezagutzeko. Lortutako
emaitzen arabera, langabezia femeninoaren aurrean bi diskurtso gurutzatzen dira,
berdintasunarena eta rolen banaketarena. Orokorrean gure gizarteetan berdintasun
balioa eta diskriminazioaren aurkako arauak gero eta onartuagoak eta sozialki
desiragarriagoak direla dirudienez, langabeziaren aurrean eta bereziki emakume
langabetuaren kasuan balizko “zonalde mutuaren” (Guimelli eta Deschamps, 2000)
azaleraztean sakontzeko partehartzaileek noren aurrean erantzuten duten
manipulatzea baliagarria izan daiteke, hau da, ohiko testuinguru normatibotik
kanpo, “décontextualisation normative” izeneko teknikarekin (Abric, 2003). Teknika
honek presio normatiboa jaistea bilatzen du. Pertsona bere erreferentzia taldetik
urrun dagoen testuinguruan kokatuz, bere pentsamenduak modu askeagoan
adieraztea nahi da. Abric-ek (2003) adibidez, Aix-en-Provence-ko letretako
fakultateko -faculté de lettres- ikasleekin magrebtarrei buruzko irudikapen sozialen
inguruan egindako ikerketan, ikasleak bi egoera desberdinen aurrean kokatzen ditu.
Egoera “normalean”, ikertzailea ikasleen talde berekoa bailitzan aurkezten da,
letretako fakultateko ikaslea, eta “testuinguru normatibotik kanpoko” egoeran,
ikertzailea zuzenbide fakultateko ikasle moduan aurkezten da. Aurkitutako emaitzen
arabera, testuinguru normatibotik kanpoko egoeran ikasleek asoziazio negatibo
283