genero- asimetria langabeziaren irudikapen sozialean - Euskara

224
LANGABEZIA FEMENINOA ETA MASKULINOA: GENERO-ASIMETRIA …
Langabezia orokorrari dagokionez hiru taldeek “Arazo ekonomikoak” eta
“Estutasuna, estresa sortzen du” itemekin ezaugarritzen dute eta bestetik, ez
karakteristikotzat, “Lagunak galdu” itema agertzen da. Bestalde, Aix-en-Provence-ko
eta Baiona-Bidarteko ikasleek, langabezia orokorra ezaugarritzeko “Bazterketa
soziala” hautatzen dute. Irungoek, beraien aldetik, “Edozein lan onartzea”
gaineratzen dute.
Langabezia maskulinoari dagokionez hiru taldeek “Arazo ekonomikoak”
azpimarratzen dituzte eta ez karakteristikotzat “lagunak galdu” itema. Bestalde, Aix-
en-Provence-ko eta Baiona-Bidarteko ikasleek langabezia maskulinoa ezaugarritzeko
“Bazterketa soziala” erabiltzen dute. Baiona-Bidarteko eta Irungo ikasleek gainera,
“Estutasuna, estresa sortzen du” eta “Bikotean tentsioak sor ditzake” itemekin
ezaugarritzen dute. Baiona-Bidarteko ikasleek “Norbere burua zalantzan jarri” itema
gaineratzen dute eta Irungoek “Edozein lan onartu”.
Langabezia femeninoari dagokionez hiru taldeek “Arazo ekonomikoak” eta
“Estutasuna sortzen du” itemekin ezaugarritzen dute eta ez karakteristikotzat,
“Lagunak galdu” itema aipatzen da. Bestalde, Baiona-Bidarteko ikasleek langabezia
femeninoa “Bazterketa soziala” itemarekin ezaugarritzen dute.
3.5.1.2. Itemen arteko desberdintasun esanguratsuak
Langabezia orokorrean, maskulinoa eta femeninoa ezaugarritzen dituzten
elementuak ikusita, Kolmogorov-Smirnov testaren bidez talde arteko desberdintasun
esanguratsuak aurkeztuko dira.
Analisi honen arabera lortutako emaitzetan, langabezia orokorrari
dagokionez Aix-en-Provence-ko eta Baiona-Bidarteko ikasleen artean bi itemetan
soilik aurkitu dira desberdintasun esanguratsuak, “Seme-alabak perturba ditzake”
eta “Asistitu estatusa” itemetan. “Seme alabak perturba ditzake” itema, erdibideko
itema da. Ez da karakteristikotzat ez eta ez karakteristikotzat jotzen. “Babes
sozialaren menpekoa” itemari dagokionez, Aix-en-Provence-ko ikasleek Baiona-
Bidarteko ikasleek baino ez karakteristikoagotzat dute (K-S = 0.16; p < .01).