genero- asimetria langabeziaren irudikapen sozialean - Euskara

68
LANGABEZIA FEMENINOA ETA MASKULINOA: GENERO-ASIMETRIA …
Eztabaida, batez ere, segurantza sozialaren sistemaren egituraren eta
finantziazioaren inguruan ematen da. Batetik, politikoak daude eta, bestetik, agente
sozialak. Arazoa ez da babes sozialaren maila, honen finantziazioa eta kontrola
baizik.
Sistema espainiarrean bestalde, zatiketa nagusia zergen bidez finantzaturiko
sektorearen (talde txiroentzako pentsioak, osasuna eta gaixotasun eta urritasunak
babesten dituena) eta kotizaziopeko segurantza sozialaren inguruan ematen da
(enplegu egonkorra dutenen pentsioa eta asistentzia medikoa ziurtatzen duena).
Eskuinak zergak ekonomiarentzako zama eta aurrerakuntzarako oztopoa direla
azpimarratzen du. Ezkerrak eta sindikatuek zergen maila eta lanaren kostuak
oraindik ere europar testuinguruan baxuak direla adierazten dute. Gainera, badirudi
finantziazioaren bideragarritasunean arazoak daudela, langabezia tasa handiaren eta
populazioaren zahartzearen ondorioz. Honek etorkizuneko horniduraren inguruan
eztabaida eta kezka sortu du. Ondorioz, langabeziarako prestazioak Espainiako
babes sozialaren sisteman arazo inportante bilakatu dira. Ezkerreko ordezkariek eta
sindikatuek prestazio hobeak eskatzen dituzte eta eskuinak eta enpresa erakundeek
balizko iruzurra salatu eta seguritate sozialaren kostua kontrolatzeko beharra
azpimarratzen dute. Langabeziaren inguruko arazoak banaketa sortzen du, bai
eskuin eta ezkerraren artean bai sindikatu eta enpresa erakundeen artean. Batzuek
prestazio egokiak eta prestakuntzan inbertsio handiagoak eskatzen dituzte, besteek
arauez gaindiko merkatu malguagoaren alde daude, ordea. Bestalde, ezkerraren eta
sindikatuen arteko zatiketa ere badago, enplegua sortzeko estatuak egin beharreko
inbertsioen inguruan, sindikatuek prestazioen mailari eta langileagoaren babes
handiagoari lehentasuna ematen diotelarik.
Azkenik Taylor-Gooby-k (1997) egindako azterketaren arabera,
desberdintasun nazionalak orokorrean erregimen bakoitzaren ereduari lotu
bazaizkio ere, beste hiru faktore kontutan hartu behar direla azpimarratzen du.
Lehena gizarte bakoitzaren baitan ekonomiarekiko dagoen konfiantza maila da.
Honela, Frantzian ekonomiarekiko konfidantza maila baxuak hornidura sozialaren
maila mantentzearen egokitasunaren inguruan kezka sortzen du. Bigarrena egitura
instituzionalari dagokio. Frantzian, kotizaziopeko finantziazioak eta ongizatearen