genero- asimetria langabeziaren irudikapen sozialean - Euskara

276
LANGABEZIA FEMENINOA ETA MASKULINOA: GENERO-ASIMETRIA …
hasi zen, iritzi publikoan, maila akademikoan eta eztabaida politikoetan, frantziar
pentsamendu errepublikarraren elkartasunaren inguruko hausnarketarekin bat
eginez (Silver, 1994).
Bazterketa sozial kontzeptua, Europako estatu desberdinek beraien
politiketan barneratu izan dute. Hala ere, honek ez du esan nahi elaborazio
kontzeptual zehatz eta egonkor bat lortu denik. Terminoaren interpretazio ugari
daude eta antzeko fenomeno sozialei dagozkien beste hainbat terminoekin batera
edota terminoen lekuan eman izan da (marjinazioa, pobrezia, pribazioa edota
infraklasea). Erabilitako kontzeptuak eta ikuskerak desberdinak izan dira herrialdeen
arabera, prestazio moten arabera, populazio edota diziplina akademikoen arabera.
Espainian, bazterketa sozial kontzeptua biztanleriaren sektore txikietara zuzendu
izan da eta, batez ere, gizarteratzeko errenta minimoen proiektuak lantzerako
orduan erabili da (Arriba, 2002). Frantzian bestalde, aurrerago aipatu bezala,
bazterketa soziala langabeziaren fenomenoarekin loturik aurkitu da eta
pentsamendu errepublikar frantsesean elkartasunaren ideiarekin bat egiten du.
Maila honetan adibidez, aipagarria da, Frantzian 1989an RMIaren -gizarteratzeko
gutxieneko diru-sarrera- eta 1998an bazterketen kontrako legediaren onartzeak
frantziarrengandik jaso duen babes handia (Paugam 1993, 2003).
Langabeziaren irudikapen sozialean aurkitutako desberdintasun hau
azaltzeko, efektu nazionalaz edota estrukturalaz hitz egin daiteke. Paugam eta Selz-
ek (2005) pobreziaren irudikapen sozialaren inguruan egindako konparaketa
internazionalean ondorioztatzen duten bezala, irudikapena aldakorra da herrialde
batetik bestera, politika eta pertzepzio kulturalak direla medio eta, era berean,
koiuntura ekonomiko eta sozialaren arabera. Koiuntura ekonomikoak eta bereziki
langabeziaren garapenak, gizarte bakoitzean pobrezia mailaren aldaketan eragiteaz
gain, fenomeno beraren irudikapena ere eraldatzen du. Denboran zehar ematen
diren joera hauek, hala ere, ez omen dituzte arazoaren pertzepzioan nazio
ezberdinetan ematen diren desberdintasunak ezabatzen. Pobreziaren irudikapen
sozialak mugatuak daude bai joera ekonomikoengatik, enplegu merkatuarekin
harremanetan daudenak, bai eta instituzio eta egituren pisuarengatik, beraien
inertziek eta autoritateek nazio bakoitzean gizartearen marko mentala mantentzen