genero- asimetria langabeziaren irudikapen sozialean - Euskara

3.4. IRUNGO DATUAK
IKERKETAREN EMAITZAK
Irungo ikasleei lau karakterizazio galdesorta planteatu zaizkie, bi
karakterizazio galdesorta klasiko (langabezia orokorrari buruz eta gizon langabetu
bati buruz edo emakume langabetu bati buruz) eta bi karakterizazio galdesorta
ordezkapen teknikarekin. Lau galdesorta hauek 209 ikaslek (111 gizonezko, 97
emakumezko eta ikasle 1 kodetu gabea) bete dituzte eta aurkeztutako emaitzak
ikasle hauekin burututako analisietan oinarritzen dira. Langabezia maskulinoari
buruz erantzun behar zutenek (53 gizonezko eta 48 emakumezko) ordezkapen
teknikarekin Sindikalista eta Ugazaba baten lekuan jarrita erantzun behar zuten eta
langabezia femeninoari buruz erantzun behar zutenek (58 gizonezko eta 49
emakumezko) ordezkapen teknikan Feminista baten eta Ugazaba baten lekuan jarrita
erantzun behar zuten.
3.4.1. Erantzun Estandarrak
3.4.1.1. Itemen agerikotasunaren azterketa
Langabezia orokorraren kasuan (ikus 28. Taula) hiru item karakteristiko
agertzen dira: “Estutasuna, estresa sortzen du”, “Arazo ekonomikoak” eta “Edozein
lan onartu”. Zehaztu beharra dago, azken item hau ikasleen % 21,1ak ez
karakteristikotzat jo duela. Bestalde, ez karakteristikotzat bi item hautatu dira:
“Lagunak galdu” eta “Gurasoak ez dira seme-alabentzako eredu”. Azkenik, aintzat
hartzekoa da “esperientzia falta” ikasleen % 49,8ak karakteristikotzat jo duela eta
“Bikotean tentsioak sor ditzake” ere, ikasleen %47,4ak karakteristikotzat jo duela.
28. Taula: Irungo taldean langabezia orokorraren karakterizazioa (portzentajetan).
Itemak Batez
bestekoa
Ez
karakteristikoa
Aukeratu
gabe
Karakteristikoa
Diploma gabezia 1,75 46,4 32,5 21,1
Bazterketa soziala 1,83 41,1 34,9 23,9
Bikotean tentsioak sor ditzake 2,23 24,4 28,2 47,4
Estutasuna, estresa sortzen du 2,55 12,9 19,6 67,5
Ezkutuko lana 2,07 16,3 60,8 23,0
Lagunak galdu 1,21 80,9 17,2 1,9
211