genero- asimetria langabeziaren irudikapen sozialean - Euskara

HURBILPEN METODOLOGIKOA
1. Irudia: Evoc2003 euskarazko programa multzoaren aurre-bistaratze orokorra .
Kategorien arteko harremana aztertzeko similitude analisiaz baliatu gara,
(ikus 3. Irudian Similitude2003 programa-multzoaren aurre-bistaratze orokorra).
Similitude analisia datuen azterketarako metodo orokor bat da eta analisi faktorial
eta sailkapenezkoen ordezkoa edo eta osagarria izan daiteke. Gainera, irudikapen
sozialen teoriara moldatua dago (Flament, 1981; Roussiau, 2002; Vergès eta
Boumedienne 2001). Gure kasuan gogora-ekartzeko datuen kategorizazioa lantzeko
bi similitude indize erabili dira: kookurrentzia eta inplikazioa. Kookurrentziak bi
kategoria zenbatetan batera erabili diren aztertzen du eta efektu nagusiak adierazten
ditu. Inplikazioak, kookurrentzia indizetik eratorria, kategoria ezberdinen arteko
besarkadura maila aztertzen du. Bi kategorien arteko inplikazio indizea, kategoria
txikienetik kategoria handienera irakurri beharra dago (Vergès eta Boumedienne,
2001). Hau da, demagun A eta B kategoriak dauzkagula. A kategoria 50 pertsonek
erabili dute eta B kategoria 10 pertsonek erabili dute. B kategoria erabili duten
pertsonen artetik 8-k A kategoria erabili badu, B kategoriak A kategorian % 80eko
besarkadura maila aurkezten duela esango dugu.
83