genero- asimetria langabeziaren irudikapen sozialean - Euskara

230
LANGABEZIA FEMENINOA ETA MASKULINOA: GENERO-ASIMETRIA …
galdesortetan ikasleei pertsona baten egoera aurkezten zaiela eta ondoren
zentraltasuna egiaztatu nahi den itema zalantzan jartzen dela. Esaterako, “XXX
jaunak ez du jarduera ordaindurik, ez du ordutegirik bete beharrik eta ez dauka arazo
ekonomikorik. Zure ustez, nor de XXX Jauna?”. Arazo ekonomikoak gizon
langabetuaren baitan funtsezkotzat jotzeko erantzunen % 70a baino gehiago
“Seguraski Ez” eta “Ez” laukietan agertu behar da (Vergès, 2001).
Bestalde, “arazo ekonomikoak”, “bazterketa soziala” eta “enpleguaren
bilakuntza” itemen zentraltasuna egiaztatzeaz gain, item hauek beste bost
estatusekin mantentzen duten lotura aztertu da. Hain zuzen ere, elbarriarekin, seme-
alabak bere kargu dauzkan emakumea/gizonarekin (aurrerantzean familiaburua), 50
urte gorako langabetuarekin, jabearekin eta etxekoandre/etxeko-gizonarekin.
Estatusen arteko konparaketa honekin, langabetu estatusa beste estatusetatik zein
neurritan bereizten den aztertu nahi izan da. Azkenik, gizonezkoek eta
emakumezkoek emandako erantzunen arteko konparaketa egin da, ikasleen genero-
kategoriaren araberako erkaketa egitearren.
4.2. AIX-EN-PROVENCE-KO DATUAK
Burututako sei errefusapen galdesortetatik, gizon bati buruzko hiru
galdesortak 118 ikaslek bete zituzten (66 gizonezko eta 52 emakumezko) eta
emakume bati buruzko hiru galdesortak 116 ikaslek bete zituzten (51 gizonezko eta
65 emakumezko). Aurkeztutako emaitzak ikasle hauen erantzunekin egindako
analisietan oinarritzen dira.
4.2.1. Errefusapen maskulinoa
Errefusapen maskulinoan ondoko emaitzak lortu dira (ikus 38. Taula).
“Arazo ekonomikoak” itema langabetua estatusarekin lotzen da (ikasleen % 79,5ak
baztertua). “Bazterketa soziala” itema elbarritua (ikasleen % 83,8ak baztertua) eta
langabetua estatusekin (ikasleen % 78,7ak baztertua) lotzen da. Azkenik,
“enpleguaren bilakuntza” itema langabetuarekin (ikasleen % 83ak baztertua) lotzen
da. Beraz, gizon langabetuaren estatusak hiru itemak biltzen ditu. Gizon langabetuak
arazo ekonomikoak dauzka, sozialki baztertua sentitzen da eta enplegua bilatzen du.