genero- asimetria langabeziaren irudikapen sozialean - Euskara

214
LANGABEZIA FEMENINOA ETA MASKULINOA: GENERO-ASIMETRIA …
3.4.1.1.1. Estimuluen arteko konparaketa
Behin langabezia orokorraren, maskulinoaren eta femeninoaren item
karakteristikoak eta ez karakteristikoak aztertuta, itemen arteko banaketa metatuen
distantziaren konparaketa (Kolmogorov-Smirnov testa) burutu da.
Langabezia orokorraren eta maskulinoaren artean bi itemetan aurkitu dira
desberdintasun esanguratsuak, “Lagunak galdu” (K-S = 0.17; p < .01) eta “Norbere
burua zalantzan jarri” itemetan (K-S = 0.13; p < .05). Langabezia orokorraren kasuan
“Lagunak galdu” langabezia maskulinoaren kasuan baino ez karakteristikoagotzat
hartzen da. “Norbere burua zalantzan jarri” itemari dagokionez, langabezia
maskulinoan, langabezia orokorrean baino karakteristikoagotzat jotzen da. Hala ere,
zehaztu beharra dago langabezia maskulinoan item honetan ikasleen arteko
banaketa agertzen dela. Hau da, “Norbere burua zalantzan jarri” itema ikasleen %
41,2ak karakteristikotzat duen bitartean, ikasleen % 30,4ak ez karakteristikotzat du.
Langabezia orokorraren eta femeninoaren arteko konparaketan hiru itemetan
azaltzen dira desberdintasun esanguratsuak, “Norbere burua zalantzan jarri” (K-S =
0.18; p < .05), “Arazo ekonomikoak” (K-S = 0.14; p < .01) eta “Edozein lan onartu (K-S
= 0.12; p < .05) itemetan. “Norbere burua zalantzan jarri” itema langabezia
femeninoan ezaugarriagotzat jotzen da eta “Arazo ekonomikoak” eta “Edozein lan
onartu” itemak langabezia orokorraren kasuan karakteristikoagotzat jotzen dira.
Langabezia maskulinoaren eta femeninoaren arteko konparaketan lau itemek
aurkezten dute desberdintasun esanguratsua, “Bazterketa soziala” (K-S = 0.14; p <
.05), “Lagunak galdu” (K-S = 0.14; p < .05), “Seme-alabak perturba ditzake” (K-S =
0.14; p < .05) eta “Arazo ekonomikoak” (K-S = 0.17; p < .01) itemak. Hala ere, esan
beharra dago “Bazterketa soziala” eta “Seme-alabak perturba ditzake” itemak ez
direla karakteristikotzat jo (ez eta ez karakteristikotzat), ez langabezia maskulinoan
ez eta langabezia femeninoan ere. “Lagunak galdu” itemari dagokionez, langabezia
femeninoan langabezia maskulinoan baino ez karakteristikoagotzat jotzen da.
“Arazo ekonomikoak” itema bestalde, langabezia maskulinoaren kasuan item
karakteristikoagotzat jotzen da, ikasleen % 81,4ak karakteristikotzat aukeratzen du,
langabezia femeninoaren kasuan ikasleen % 64,5ak karakteristikotzat aukeratzen
duen bitartean.