genero- asimetria langabeziaren irudikapen sozialean - Euskara

90
LANGABEZIA FEMENINOA ETA MASKULINOA: GENERO-ASIMETRIA …
erabilitako erreferentziazko taldeak hauek izan dira: “irakasleak”, “40-50 urteko
jendea” eta “beste ikasleak”. Lortutako emaitzen arabera, erabilitako hiru
erreferentziazko taldeek erantzun estandarren % 70a azaltzen dute. Hau da, ikasleek
ikasketen inguruan emandako erantzun estandarrak, hein handi batean, eredu
normatiboen isla dira. Bestalde, Guimeli eta Deschamps-ek (2000), hitzezko asoziazio
teknikan, testuinguru psikosozialaren eragina aintzat hartu dute, sistema
arauemaileen eta estereotipia prozesuen arteko harremana aztertzeko ordezkapen
teknika erabiliaz. Hau da, partehartzaileei “ijito” termino induktorearen aurrean 5
hitz edota esaldi ematea eskatzen diete, bi testuinguru ezberdinen aurrean:
testuinguru “normala”, partehartzaileei beraien erantzun propioak ematea eskatzen
zaie eta “ordezkapen testuingurua”, partehartzaileei “frantsesek orokorrean”
emango lituzketen erantzunak ematea eskatzen zaie. Testuinguru bakoitzean
eskatutako 5 erantzunak eman ondoren, erantzun bakoitza ebaluatu behar dute,
ijitoekiko zein neurritan den positiboa edo eta negatiboa adieraziaz. Lortutako
emaitzen arabera, partehartzaileek testuinguru normalean emandako erantzunak
positiboki edo eta neutroki baloratuak diren bitartean, ordezkapen testuinguruan
emandako erantzunak negatiboki ebaluatuak dira. Guimelli eta Deschamps-en
hipotesiaren arabera, irudikapen sozialaren zenbait alderdi mutu bihurtzen dira,
taldean agerikoak diren arauen araberako presio sozialak direla medio. Sozialki
desiragarriak ez diren ideiak errazago azalduko dira partehartzaileen inplikazioa
objektuarekiko jaisten denean, “frantses orokorren” lekuan jarrita adibidez.
Guri dagokigunez, ikerketa objektuaren baitan (langabezian) eman daitekeen
lanaren banaketa sexuala aintzat hartuaz, langabezia maskulinoaren eta langabezia
femeninoaren sistema arauemailea aztertu nahi izan da bi testuinguru normatibo
ezberdin aintzat hartuaz: berdintasunezkoa eta kontserbatzailea (Patrick eta Heaven,
1990). Ikerketan parte hartu duten gazteek ez dute langabeziarekiko praktika
zuzenik izan, eta beraz, erreferentziazko taldeek funtsezko papera beteko dute
langabeziaren irudikapenean (Milland, 2002). Arrazarekiko posizionamenduan,
ikerketa ezberdinek bi printzipio normatibo erregulatzaileen existentzia aipatzen
dute, batetik justizia soziala eta berdintasun balioak eta bestetik, etika protestantea,
meritokrazian eta diziplinan oinarritua (Kinder eta Sears 1981; Katz eta Hass, 1988).
Langabeziak lanarekiko duen harreman estua dela eta langabezia maskulinoaren