genero- asimetria langabeziaren irudikapen sozialean - Euskara

66
LANGABEZIA FEMENINOA ETA MASKULINOA: GENERO-ASIMETRIA …
l'Industrie et le Commerce) sarearen berrantolaketa eman da. Berrantolaketa honen
ondorioz (Convergence deiturakoa), ASSEDIC-en antolakuntza homogeneizatu eta
profesionalizatu da. Aldaketa hauen bidez, instituzioen egokitze eta erreakzio
ahalmena hobetu nahi da, helburu nagusia enplegu maila altua lortzea izanik.
Langabetuen egoerari dagokionez, Rodriguez de la Heras-ek (2003) Frantzia
eta Espainiak langabeziaren aurrean garatua duten babes sozialari buruzko
azterketaren arabera, Frantses sistemanlangabetuak abantaila handiagoak omen
dauzka, lan egun gutxiagoren truke langabezia epealdi handiagoak kobratu
ditzakeelarik. Hau da, Frantzian adibidez, azken 22 hilabeteetan 6 hilabeteko lan-
jarduerarekin, 7 hilabeteko diru-ordainketa jaso dezake eta Espainian berriz, urte
beteko lan jarduera behintzat bete behar du 4 hilabeteko diru-ordainketa jasotzeko.
Bi babes-sistemetan, langabeziaren kotizaziopeko prestazioak eta laguntzazkoak
edota solidaritatekoak desberdintzen dira. Lehena, langabetuei zuzendua dago eta
bigarrena, besteak beste, laguntza horiek agortu zaizkien pertsonei.
Kontribuzio-sistemak eskaintzen dituen laguntzak jasotzeko, langabetuak
lehenagotik kotizatu behar izan du (Frantzian, ASSEDIC-en eta Espainian, Gizarte
Segurantzan). Kotizazioaz gain, langabetuak, bai Frantzian bai Espainian, orokorrean
honako baldintzak bete behar ditu: enplegua bere borondatez kanpo galdu izan,
enplegu eskatzaile bezala inskribatuta egon, lan egiteko ahalmena izan, lan egiteko
borondatea adierazi (enplegu bilakuntza Frantzian) eta erretiroko adina ez izan
(Frantzian 60 urte eta Espainian 65). Funtsean, langabetua enplegua galdu duen
pertsona izateaz gain, enplegua bilatzen duen pertsona izan behar du. Hau
ziurtatzeko, Espainiaren kasuan enplegu eskatzaileek compromiso de actividad delakoa
sinatu behar dute eta Frantzian, era berean, plan personnalisé d’accès à l’emploi-ren
barruan, lan-bideratzerako konpromisoa hartu behar dute.
Herrialde bakoitzean garatutako ongizate estatuei helduz gero, Esping-
Andersen-ek (1994, Taylor-Gooby-k aipatua, 1997), garapen sozialari buruz inguruko
Nazio Batuen Mundu Mailako Bilkurarako egindako informea aipatu beharra dago.
Bertan, herrialde industrializatuetan langabeziari aurre egiteko hiru modu bereizten
ditu, gobernu erregimen sailkapen klasikoan identifikatutako hiru ereduekin bat
datozenak (Esping-Andersen, 1990). Eredu nordikoak ongizate estatu demokratiko