san carlo parte iniziale volume 5 valletrompia.qxd - Brixia Sacra

BRIXIA SACRA
cum habet et capellanum, qui ab ordinario approbatus et in cura animarum
coadiuvat, et quotidie in dicta ecclesia celebrat, cui curatus librarum quadraginta
planetarum et scholae infrascriptae, et populus reliquum mercedis
usque ad summam librarum 175 quotannis contribuunt, qui coadiutor et
cappellanus amovibilis nunc est presbyter Bartholomeus Calzonus annorum
38, qui de ordinibus legitime docuit, tolerabilis scientia, in munere
coadiutoris curae animarum quo fungitur. Bonis moribus, ut dicitur, in
domo propria solus habitat. Animae 1200, quae sacram eucharestiam summunt
700. Schola Doctrinae christianae nulla fere exercetur.
Schola Sanctissimi Sacramenti non erecta, sine regulis comprobatis.
Regitur ab officialibus, qui singulis annis mutantur. Habet annuum reddditum
librarum quatuor cum dimidia planetarum sine onere, ut dicitur, praeterea
eleemosynas, quae impenduntur in celebrationem missarum, cereos
altarisque ornamenta.
[f. 652r] Schola Beatae Virginis Mariae. Non erecta, sine regulis a tribus
massariis regitur, qui ab hinc annis tribus non sunt mutati. Habet annuum
redditum librarum quattuor cum dimidia planetarum ex legato, praeterea
eleemosynas, quas in celebrationem missarum et ornatum altaris impendunt.
Schola item Sanctissimi Sacramenti et Beatae Virginis Mariae de consensu
scholarum in visitatione unitae sunt.
In hoc loco Gardoni adest quaedam domus, in qua alias, ut dictum fuit,
pauperes peregrini et precipue religiosi hospitabantur. Verum ab hinc annis
decem quadra Gardoni dictam domum possidet et locat eam, nec amplius
hospitalitas exercetur.
Oratorium Sanctorum Bernardini et Francisci habet unicum altare
ligneum, sine redditibus. In eo est schola Disciplinatorum de qua infra, ex
quorum devotione quandoque celebratur. Schola Disciplinatorum Sanctorum
Bernardini et Francisci non est erecta. Regitur ab officialibus quattuor,
qui singulis annis mutantur, non habet regulas comprobatas, nec redditus,
sed eleemosynas quas etiam extra ecclesiam sine licentia ordinarii
scholares quaeritant et eas in celebrationem missarum, indumenta et ornatum
oratorii impendunt.
Oratorium Sancti Rochi praedicti loci nuper extructum, in quo est altare
ligneum sine redditibus. Commune praedicti loci Gardoni, nec non Fas-
6