san carlo parte iniziale volume 5 valletrompia.qxd - Brixia Sacra

BRIXIA SACRA
[b.] [f. 942r] In ecclesia parochiali Sancti Michaelis loci Sabii
Operculum pyxidis deargentetur et alia pyxis pro communione populi
comparetur. Tabernaculum pro 1 processionibus cum lunula ad formam
reducatur. Tabernaculum ligneum introvestiatur infra quindecim dies.
Aliud vas baptisterii ad tertiam formam instructionum generalium comparetur
cum ciborio congruo et a parte sinistra ad introitum portae maioris,
cappella inter parietem frontispicii ecclesiae et pilastrata primi arcus construatur,
quae promineat extra parietem cubitis quinque cum dimidio,
ornetur et claudatur ad formam et in ea baptisterium collocetur infra
annum. Provideatur de vasibus oleorum cum cotylis et bursis ad formam
infra mensem. [f. 942v] Vas olei infirmorum non in domo asservetur sed in
fenestella, quae a parte evangelii in cappella maiori infra octo dies construatur,
ornetur et claudatur. Fenestrae cappellae maioris muniantur
vitreis. Sedilia in choro reaptentur infra mensem. In ingressu clathris ferreis
ad formam cappella sepiatur infra tres menses.
Altare Sancti Laurentii tollatur, nisi infra mensem populus vel alii,
instrumento publico se obligarint infra sex menses se illud ornaturos et de
cruce, candelabris, mappis, palliis, aliis item necessariis et de septo ferreo
ad formam provisuros. Altare Sancti Antonii infra tres dies tollatur et eius
onera et emolumenta, si quae sunt, iam nunc transferuntur ad altare scholae
Sanctissimi Sacramenti.
Fenestra respiciens super altare Sanctissimi Sacramenti a parte epistolae
obturetur muro infra octo dies. Fenestra supra arcum cappellae maioris
obturetur muro; ligna e pariete ecclesiae supra quibus appensum est feretrum
cum feretro ipso tollantur infra biduum. Labia aquae sanctae e parietibus
amoveantur et alia magis decentia collocentur. Fiant duo confessionalia
ad formam infra 2 mensem. Fenestrae ecclesiae vitreis muniantur infra
tres menses. [f. 943r] Septum coemiterii reparetur apposita clathra ferrea
in ingressu et in eo erigatur crux.
Vestibulum ante portam maiorem perficiatur infra quattuor menses. In
sacristia fiant oratorium et lavatorium infra mensem. Fiat baldachinum et
duae laternae astatae expensis scholae Sanctissimi Sacramenti infra mensem.
Fiat paramentum sericum, viridis et alteri violacei coloris infra quattuor
menses. Provideatur de purificatoriis, corporalibus et sacculis eorum diversorum
colorum, de vase item pro abluendis purificatoriis, de pelvi pro
254