san carlo parte iniziale volume 5 valletrompia.qxd - Brixia Sacra

BRIXIA SACRA
In oratorio Sancti Rochi loci Colii
Cappella maior sub arcu lapideo cancellis ligneis claudatur. Fenestra speris
ex tela cerata saltem muniatur, infra mensem. De paramento coloris rubei
decenti provideatur infra tres menses. Fenestrae oratorii ad formam decenter
aptentur. Soffitta reconcinnetur infra duos menses. [f. 891v] Labium
aquae benedictae indecens tollatur et aliud iuxta instructiones generales
statuatur, infra mensem. In hoc oratorio saltem semel in hebdomada per
archipresbyterum Boarni, vel eius coadiutorem celebretur, liceatque dictis
hominibus celebrari facere per sacerdotem facultatem ab ordinario habentem,
qui archipresbyterum eiusve coadiutorem non impediat.
In oratorio Sanctorum Faustini et Iovitae
Infra tres menses oratorium a communitate reficiatur, aliter tollatur et
situs conceditur archipresbytero ratione sui archipresbyteratus, materies
autem fabricae Sanctae Mariae in Arce applicatur et interim claudatur nec
in eo celebretur. Ordinarius summarie agat, ac etiam ex officio procedat
contra Paulum Praestinum occupantem petiam terrae horti ipsius oratorii.
In oratorio Sancti Benedicti loci Pompignini
Altare ad formam elongetur, infra octo dies. De candelabris aeneis, et petra
sacrata ad formam provideatur. Bradella reconcinnetur. Cappella cancellis
ligneis claudatur infra menses duos. Paramentum album fiat cum suis finimentis,
purificatoria, item corporalia et sacculi eorum iuxta varietatem
colorum. [f. 892r] Labium aquae benedictae a frontispicio oratorii tollatur,
et aliud decens in oratorio statuatur infra mensem, campanileque extruatur.
Summarie agatur contra haeredes Antonii de Maffeis pro solutione
legati librarum quinque in anno per eum relictarum. Homines huius loci
libras vigintinovem, quas uti commissarii exigunt cum onere tot missarum
sacerdoti, qui in altero altari ecclesiave non teneatur illis ipsis diebus celebrare
7 , tribuant pro suprascriptis missis celebrandis.
In oratorio Sancti Alexandri
Termino mensis archipresbyter Boarni provideat de cruce, candelabris, de
palio et paramento rubri coloris. Tectum ex assidibus suffitetur, fenestris
sperae ex tela cerata adhibeantur. Claudatur, praeterquam cum ad usus
ecclesiasticos opus est, nec ante in eo celebretur, quam de suprascriptis et
130