san carlo parte iniziale volume 5 valletrompia.qxd - Brixia Sacra

BRIXIA SACRA
ta et investituras reddituum, quos habent, qui perpendat an legitime et tuta
conscientia contractus illi facti fuerint, et prout iuris erit consulat et provideat
ne de caetero pecunias investiant, nisi contractus ille tamquam legitimus
anteprobatus sit, quare investitura stipuletur facultate a reverendissimo
episcopo concessa, sub poena nullitatis contractus.
Zanellus et Balthasar de Bertholinis debitores scholae Sanctissimi Sacramenti
ratione administrationis reddituum et eleemosynaruum eiusdem,
infra sex menses ut obligationis instrumento se astrinxerunt, integre solvantur,
satisfaciantve aut saltem vere tradant sine mora praedictae scholae
tot bona stabilia ad rationem precii quo iuxta regionis consuetudinem extimantur
bona quando quis in peccunia numerata creditoribus solvere tenetur
et loco peccuniae tribuit idque sub poena interdicti ab ingressu ecclesiae.
[f. 855r] Massarii scholae Sanctissimi Sacramenti quotannis antequam
administrationem accipiant fideiubeant, vel pecunia scholae in capsula quae
toto loco teneatur, deponatur, clausa tribus diversis clavibus, quarum altera
apud curatum, altera apud duos deputatos per scholam asserventur, et peccuniae
cum reponantur vel tollantur e capsula in libro referantur.
Communitas edictum, quod iam edidit contra ludentes, non modo innovare
verum etiam observari curabit, nec iuramenta deferri patiatur pro damnis
datis aliove pratextu nisi cum legitime et de iure debent possuntve dari, cum
ob id compertum sit plurima periuria proficisci in iis partibus. Clericus in
habitu ex aliqua contributione scholae Sanctissimi Sacramenti etiam communitatis
curatus manuteneat, qui missis et aliis officiis parochialibus inserviat.
Franciscus filius Matthiae de Limono Dominicam hospitem eius concubinam
missam faciat, nec eam deinceps secum ad conversandum aut
cohabitandum, aut ad aliquod commercium habendum admittat, sub poena
aureorum vigintiquinque et excomunicationis in subsidium prout eidem
mandatum fuit, ut in actis visitationis constat, contra quod mandatum si
deliquerit poenis in eo contentis afficiatur per reverendissimum ordinarium
eiusque vicarios, ac etiam aliis gravioribus arbitrio eiusdem ordinarii 3 .
In oratorio sancti Rochi. Altare sepiatur.
1
et cancellato.
2
Corretto su restringendum.
3
Franciscus - ordinarii aggiunto di seguito.
40